MUNGHPAWM
RAPDAW By Chyanun Machya
Nyawng
Napin Rapdaw Ndai Nyawng Napin Rapdaw hpe hkap tau ai ni gaw aten galu shanut shanat rai nga ai Mungdan a mung masa lam hpe myit hpraw san ai hte mahtai jawm tam na matu Hpyen Asuya hku nna saw shaga dat ai Rapdaw re ngu kam nga ma ai. Ndai Nyawng Napin Rapdaw hpe ninghkap ai ni gaw NLD ningbaw ni hpe Mandalay, Depaeyin mare kaw hkap sat ai masha sat poi hpe mungkan ting jawm garu wa ai hte Hpyen Asuya hpe ahkyak la maw wa ai majaw akajawng sha Road Map shapraw dat nhtawm mung masa aten karawt na matu saw shaga dat ai Rapdaw re ngu kam nga ma ai. Nkau mi chyawm gaw hkap tau ai mung n re, ninghkap ai mung n re, TINA factor (there is no alternative) ngu ai kaga lata la na lam n nga shi ai majaw sa shang lawm nga ma ai. Hpa mi raitimung, ndai Nyawng Napin Rapdaw gaw ladat nnan, jasat jasa nnan hte shaga dat ai NC nrai ai sha 1993-1995 ning na Munghpawng Rapdaw hpe bai matut ai rai nga nna mung masha law law tsun jahta nga ma ai.
K.I.O hte Munghpawng Rapdaw 1993-1995 ning na NC hta K.I.O hku nna sa shang bawngban lawm ai lam n nga ai. 2004 ning na NC hta gaw, sa shang lawm na matu saw shaga hkrum sai majaw K.I.O gaw DAT KASA marai (5) dat nhtawm sa shang bawngban lawm lai wa sai lam chye lu ai. K.I.O dat kasa marai (5) gaw (1) Dr. Manam Tu Ja - Ningbaw (2) Salang Lahpai La (3) Salang Sumlut Gun Maw (4) Salang Lahpai Zau Raw (5) Salang Wawhkyung Sin Wa ni rai nga ma ai. K.I.O gaw yaw shada ai lam (2) hte 2004 ning na NC hta sa shang lawm bawngban lawm ai ngu laika ka wa hku nna sawn shachyaw la nngai. Laika ka ai wa hku nna sawn shachyaw la ai K.I.O a yaw shada ai lam (2) ngu ai gaw - (i) Ya na masa lam npu hta K.I.O madung mung masa pandung hpe hkrang shapraw sa wa ai hta, kangai kahprai ladat lang ai hku nna 2004-2005 ning na NC de sa shang lawm ai hku re. (ii) Myen mung ngwi pyaw simsa wa na matu mahtai jawm tam ga ngu ai yaw shada ai lam hte ndai NC hta sa shang lawm ai hku re. Lahta de
tsun lai mat sai yaw shada ai lam (2) hte K.I.O gaw NC de sa shang lawm
ai hku re ngu mu mada ai. Hpyen Asuya hpe madi shadaw mayu nna sa shang
lawm ai chyawm gaw n rai na re. Lama wa dai hku byin wa hkra wa raitim,
dai gaw SIDE PRODUCT sha rai na re.
NC hte seng nna tsun jahta wa yang, Gaw da ai Tara 104 ngu ai hpe anhte ni na hkrup yu na ga ai. Gaw da ai Tara 104 ngu ai hpa rai ta? Constitution hpe ka lajang sa wa ai shaloi Hpyen Asuya hku nna gaiwang masat da ya ai lam nga ai. Dai gaiwang (Frame) gaw, Gaw da ai Tara 104 rai nga ai. Dai majaw NC hpe mung Constitution hte shaga dat ai NC re ngu tsun mai nga ai. Ga shadawn hku nna Gaw da ai Tara 104 nkau mi hpe ka dan ga nga yang:- (i) Gumsan magam hpe Nomination Committee hpaw nna lata sa wa na lam (ii) Dai Nomination Committee hpe gara hku hpaw shabawn sa wa na lam (iii)Dap Aawn Daju a galaw lu ai atsam ni (iv)Defence
minister, Home minister, Frontier affairs ni hpe Dap Awn Daju kaw nna
lata san bang na lam
2004 ning na NC 2004 ning na Nyawng Napin NC hta gaw 1993-1995 ning na NC hta ka lajang da ai Gaw da ai Tara 104 hte seng nna gram, bawngban jahkrup ai lam n nga ai daram re ai hpe chye lu ai. Upadi galaw na jahpan (Legislative) ga baw kaba (11) hpe jahkrup bawngban tang shawn ai lam ni hpe galaw lai wa masai. Dai ga baw kaba (11) gaw:- (1) Defence
and Security sector
Mungdaw lu ai myu sha ni hte NC NC hta sa shang lawm ai dat kasa ni hpe maram yu yang dat kasa law malawng gaw Hpyen Asuya e dan tawk lata san ai masha ni rai nga ma ai. Dat kasa langai hte langai, dat kasa uhpung langai hte langai mung shingdu labau, hkam la ai lam (Background feeling) n bung hkat nga ma ai. Dai hpe masha ni gaw amyat htuk (manipulate) mai nga ai. Dai majaw Background feeling bung hkat ai mungdaw lu ai myu sha ni shada da tau jau jahkrup hkyen lajang da ai lam nga ra na re ngu mu lu ai. Galaw ngut lai wa sai NC ni hpe maram yu yang Hpyen Asuya kaw nna jahkrat da ai NC a yaw shada ai lam (6) gaiwang kata hta Mungdaw lu ai myu sha ni woi awn nhtawm, Gaw da ai Tara 104 hpe woi gram lajang bawngban sa wa yang chyu she NC hta sa shang lawm ai lachyum pru na zawn re ai lam mungdaw lu ai myu sha ni a dat kasa ni hkam sha hkam la ai lam chye lu ai.
Source;
Kang Seng Awng Magazine |