DAW I. GINJAW GINRA KATA E GALAW DA LU SAI BUGA GAW SHARAWT BUNGLI NI

Ginjaw Ginra ngu ai gaw KIO Ginjaw kaw na dan tawk yu reng ai Ginjaw a grupyin na Gaiwang kaba hpe ngu ai re.

1. Laiza mare kasha hpe 2002 ning kaw nna Mare Muklum madang de du hkra gaw gap sa wa nga dingngam re.

2. 1993-94 ning kaw nna KIO Ginjaw Dabang hte Laiza e Hka n'gun mihprap wan jak ni galaw da nna nsin nhtoi n lata ai jai lang lu sai.

3. Lamu ga dam pa nna ga sau kaja ai Nalung mare sinna maga, htinggaw 330 nga ai BandawngYang ngu ai gaw sharawt mare ningnan hpe alum ala re ai hku de da lu sai.
Dai Bandawng mare hta e lapran tsang jawng hte tsi jaw gawk ni mung hpaw da lu sai.

4. Hpaga mahkrun daju hku nna Buga Company Limited hpe 1996 ning kaw na hpaw hpang nhtawm lawu de na bungli kaba ni galaw nga shajang sai.

(1) Shaning shi kahtap nna n shamu mat sai Namti jumdwi jak hpe lit la asak jahkrung jai lang nga sai.
(2) Jahkan Dap hpunpyen ret jak rung, Mohnyin hpunpyen ret jak rung.
(3) Lungseng htu, Ja htu na lamu ga ginra kaba la nna Buga Gaw Sharawt bungli lamang hte        Shanglawt Magam Gun shawa a jai gumhpraw tam ya ai.

5. Mi moi ten hta lagaw lam pyi yak hkak ai hkrun lam ni yawng pawng mile 500 hkawt mawdaw lam shabyin shatai hpang lu sai. Ga Shadawn: Laiza-Laja yang, Laiza- Maisak Pa, Laiza- Ginjaw Dabang.Ginjaw Dabang- Pajau Gat-Jahta- Gangdau lam, Mungga Zup-Dingga -Sampai- Gara Yang lam, Namsan- Bandawng lam, Sadung- Saga Pa - Suden lam, Sampai- Nangzaw Yang -Gawset Yang lam, ni. (Lam Du ni a hpaji matsun kata kaw galaw ai n re, lam kaji kajaw ni hpe n bang sai, hkrun lam kaja gaw grai ahkyak nga mali ai hte marenja gumhpraw mung grai hkrat nga ai.)

6. Laiza e jawngma 840 lung ai lahta tsang jawng nga sai.

7. Laiza e yupku 50 shang ai masat (1) Mung Shawa Tsi Rung hpe hpaw maden la hi ai. Ningpawt ninghpang tsi jawng hpaw lu ai madang du hkra sharin shapraw la ai lam galaw lu sai.

8. Laiza mare muklum e 2001 ning kaw nna hpaga gat seng nta kaba ni, madang dep ai manam htingnip ni gap sa wa ai gaw ya dingyang naw rai nga ai hte mare muklum kata na lam ni hpe kata lam shabyin sa wa ai mung dingngam galaw taw nga sai.

9. Ginjaw kaw nna dantawk yu reng ai kata e Myitkyina KIO Ginjaw Dat Kasa Rung nta kaba hpe gap la nna rung dung nga sai.

10. Myitkyina e Munghpawm Asuya wa hte hpaga yumga matut mahkai ai Buga Company nta kaba hpe mung gap da jai lang nga sai.

11. 2002 ning, December kaw nna ndai aten du hkra Munghpawm Asuya nan lit la nga dingyang re ai Myitkyina-Manmaw mawdaw lam hpe tinang KIO hte Sutdu Yup Zau Hkawng woi awn ai Jadeland Co. Ltd ni ta gindun let pe 18 jan dam hkra lung tsawm nep ai madang hku gram galaw dingyang rai rau nga ai. Mahkrai pe 100 a lawu na malawng maga (kaji kaba 100jan)bilat ga hte hpri pawng ai hkai prat janat ngang na hku galaw da ngut sai.   (Myitkyina hte Manmaw lapran Mile 192 galu ai hpe ngut hkra galaw na hku re. Ndai mawdaw lam gaw 2002 ning laman aten hta shara law malawng wa 4X4 WD mawdaw ni sha n rai yang n lu lai mat sai madang re. Tinang KIO gaw ndai mawdaw lam kaba hpe jin ngut la nna galaw ai n re. Tinang buga ginra hpe tinang gaw sharawt ai masing masa kata kaw shakut nna galaw ai, gaw gap ai lam re.)

12. Nalung hte Namsan mare lapran, Madi Yang e Munghpawm Asuya kaw nna, acre 300 kaba ai aten galu namsi namsaw sun hpe woi hpaw la ngut nna matut lit la galaw nga sai.

13.Hka Ninggun Wan Jak galaw nga ai lam.
Tinang KIO gaw 1992 ning, simsa sai hte mung shawa law malawng akyu lu mai na amu kaba gaw myihprap wan re ai lam hpe mu lu ai majaw, ahkaw ahkang, ja gumhpraw hta dut dang nna lawan n lu hpang ai laman, Dabak Hka Wan Jak hta n'gun loi grit re ai Mali Hka (Malee Hka ) Wan jak hpe shawng galaw nna nhpawt nhpang de la na matu 2000 ning hta galaw hpang sai:

Ningnan masing jahkrat ai engineer wa matsun ai tup hkrak hpe hkan galaw mat wa nna, htam masum kaw na htam lahkawng ngut wa ai aten hta lamu ga, ga shan n ngang ai ngu 2002 ning, hta she ladat masing bai galai galaw sa wa ai majaw ya 2004 ning June shata htum, July shata daw de she wan n'gun 10.5 mega watt pru hkra galaw lu n'na Myitkyina mare muklum de wan n'gun jat jaw lu na re.

Wan jak galaw ai sara ni, bungli masha ni, jak arung arai ni mahkra Miwa Gumsan Mungdan na lang ai re majaw, mungdan langai hte langai a tara hte maren lai bang, la bang yak ai hta yaw shada dawdan tawn ai aten dep ngut lu na lam hta loi ningra mat nga ai.

Ndai Mali hka wan jak lu ngut ai ten hta tinang mungdaw ting ngu na daram wan lu tu na rai sai ngu myit mada ai.

Munghpawm asuya wa kaw nna grai myit rawt ai hku 1am magup ra ai daw hpe garum ya ai lam lu la ai. Wan jak ndai a galaw ai lai ladat hpe wahkrang e galai kau ra nna asuya ni
hte mung shawa ni e alajin mat maga she gale mat wa nga magang sai.

PAJAU BUM GINJAW DAP DABANG

Hkik hkam nga sai Laiza Muklum
hpe ndai zawn mu

.

Laiza Muklum ntsa, N Myen Bum hta gawgap tawn da ai Dai Lawn Rung Dabang nnan

Laiza, Munglai Hka Wan Jak Matsing

Laiza Muklum na Mung Shawa Tsi Rung

Namsan Yang Lahta Tsang Jawng

Shang Gumhpraw Lu Mai ai Hkai N'mai Ningnan ni.

[1] [2] [HOME]