Ga Ninghpaw

2004 ning, January praw daw hta 1994-2003 laman galaw da sai Buga gaw sharawt the seng ai magma yi ngam ni hpe sumla, laika sumtang ni the rai nna tang madun lai wa saga ai.

Rai yang, shawng shaning shapraw ai hta grau hkumtsup ai hku, Wunpawng mungdan shading hku mu chye lu hkra naw shapraw na matu, KIO Ginjaw e lit jaw shatsam wa sai. Dai rai nna,ndai 2 lang hta loi mi grau hkumtsup ai sumla shiga laika buk hpe bai lajang tang madun dat ga ai.

KIO gaw, mi moi 1961 ning, nnan rawt malan hpang wa ai aten kaw na, tinang amyu a mungdan hpe gaw de na matu ngu masing jahkrat rawt malan saw a ai. Ndai zawt rawt malan saw a ai hta, mung shawa akyu ara lam hpe ahkak la galaw gunhpai na matu lamang kaba langai hku masat shalawm da ai. Majan naw gasat nga ai aten kaw nna, mai byin ai bungli yi ngam kaji ni hpe galaw ya, galaw karum rai nga sai. Ya ndai simsa sai aten 10 ning laman e ai sharau gyep rai nna galaw shajang wa sa ga ai. Dai majaw,KIO Ginjaw Komiti kaw nna shatsam ai lam gaw; Hpa baw wa galaw da saga ai kun? Hpa baw hpan ni hpe naw galaw nga ga ai kun? Jawm nhtang yu, dinglik yu rai shajang ga ngu yaw shada let, sumla sakes, sumtang shiga ni the bai tang madun shangun ai rai nga mali ai.

Maga mi de, Wunpawng shawa e mu dinglik ai rai jang,tinang a mungdan buga ni hpe gara ladat hte , hpe baw bungli yingam ni the gawgap sharawt shatsaw la na matu hpaji jaw ai Wunpawng myutsaw ni, Wunpawng hpaji ninghkring ni pru wan a hpe mung myit mada let, ndai No;2 lang na sumla shiga laika buk hpe shapraw dat ga ai.

2005 ning, January                          Magazine Komiti

WUNPAWNG MUNGDAN KATA HTA BUGA GAW SHARAWT MAGAM DAP HPE HPAW SHABAWN DA AI RUNG HKRI-DUN HKRANG

1. Buga Gaw Sharawt bungli ni hte Ja Gunhpraw lam ni ma hkra seng ang ai Pati Komiti kaw n’na woi awn matsun sa wa ai ladat re.

2. Buga Gaw Sharawt Rung ni gaw seng ang ai Pati Komiti e matsun masat sai bungli yi ngam hpe ta tut hkrang shapraw na lit la da ai re.

3. Ginwang Daw madang hte lawu de Buga Gaw Sharawt Rung ngu garai n hpaw da ai. Seng ang ai Lahta Tsang Komiti ni kaw n’na matsun da ai bungli masing ni hpe seng ang ai Uphkang Du ni lit la sa wa na ladat re.

Anhte Wunpawng Mungdan sumla hta, sammung lahta daw kachyi mi hpe mung shalawm da ai. KIO hku nna, tinang mung shawa ni hpe tsaw ra ai npawt nhpang rai nga mali ai majaw, Munghpawm asuya hku nna, prat rat woiawn lit la nga ai ginra kata de mung laika sharing jawng gawgap ai lam, lu hka len ya ai lam, hkauna hka la ya ai lam, mawdaw lam, hte mahkrai hkai ai lam ni galaw nga ai. Dai majaw, lamu ga sumla yawng hpe shalawm da ai.

WUNPAWNG MUNGDAN SHANGLAWT HPUNG GINJAW KOMITI

Mungdan ting a buga gaw sharawt magam yingam ni hpe lit la ai KIO Ginjaw Komiti salang ni re.

Dung ai ni-Pai kaw na hkra de Du Up Jum Gunhtang Gam shawng (Ninggaw Amu madu ), Salang kaba Sumlut Gam ( Hpaji dap lit hkam ), Du Up Daju Manam Tu Ja ( Ting nyang Up ) Salang kaba Lanyaw Zawng Hra (Ting nyang Up 1 ), Du Daju Jum Lamung Tu Jai (Ting nyang Up hte Kongsi Ningbaw), Du Daju Jum Gauri Zau Seng (Kongsi Ningbaw Malai ), Du Daju Jum Nban La (KIA Dap Aawn Daju ) Du Up Jum Lahkyen La Ja (Maigam Kyithai Magam Dap Lit Hkam ) Tsap ai ni Pai kaw na hkra. Lat Du Up Jum Gawlu Zai San (Kaichyan Dap Lit Hkam), Du Up Nja Naw Rip (Kongsi Ningtau Amu Madu), Du Up Sumlut Gun Maw (Ningtau Ninggawn Amu Madu) Salang Kaba Lama Gum Hpan (Kongsi Amu Madu ), Du Up Jum Nbangbum Sinwa (Buga gaw sharawt lit Hkam), Salang kaba Lajawng Hkawng Lum (Mungchying Up Hkang Dap Lit Hkam ),Du Up Lahpai La (Ginjaw Tara Rung Lit Hkam) Du Up Jum Zawngbuk Htan (Tau Dap Awn Daju), Lat Du Up Jum N gan Zau Hkun, ( Hkam ja Dap Lit Hkam )

Matsing: Sumla dem ai ten, 2004 ning December 18, shani n du dung ang mat ai Ginjaw Salang marai mali naw nga ai.

Buga Gaw Sharawt Bungli ni Hpe Gunhpai na Matu Gaiwang hte Woiawn Lit La Na Uhpung KIO Komiti Masat ai Lam.

Buga Gaw Sharawt Magam Dap a hkrang hte maren, Ginjaw kaw nna Ginwang Ginjaw, Ginwang Shagu na Shanglawt Hpung a komiti ni de, tinang saw a na lit jaw da ai.
Ginjaw kaw nna,mungdan ting na bungli yingam kaba ni a ntsa dawdan jahkrat ya ai. N’dai zawn masat ra hkrat gaw sha rawt magma bungli ni hpe tatut Buga Gaw Sharawt magma dap kaw nna, seng ang ai kaba magma dap, Ginwang Ginjaw ni hta ta Gindun hkrang shaapraw ai.

Gashadawn; - Buga Compang hpaw sa wa ai a ntsa, ta tut galaw ra ai hpun ret jak rung,                        wanjak zawn re ai ni hpe SutmasaMagam dap hte ta gindun hkrang shapraw ai.

                    - Tsi Rung kaba zawn re ai hpe hkamja dap hte ta gindun galaw ai.

                    - Jawng ni gawgap ai hpe hpaji dap hte ta ni gindun gaw gap ai.

                    - Ginjaw ginra hpe laksan gaiwang ngu hpaw masat da sai. Dai ginra hpe Ginjaw                        Ginra ngu nna Ginjaw Ginra KIO Komiti ni woi awn ai kata e, Buga Gaw                       Sharawt Magam Dap Ginjaw rung hte Ginjaw Ginra komiti nit a gindun hkrang                        shapraw ai.

Ginjaw Gaw Sharawt Ginra

Sadung Ginwang kata na Gaw Sharawt Bungli

Laksan Nmai Hku Gaw Sharawt

Sinpraw Ginwang Ginjaw Gaw Sharawt Ginra Sumla Shiga

Sinna Ginwang Ginjaw Gaw Sharawt Ginra Sumla Shiga

Dingdung Ginwang Ginjaw Gaw Sharawt Ginra Sumla Shiga

Dingda Ginwang Ginjaw Gaw Sharawt Ginra Sumla Shiga