Chihpwi hte Zang Nawng Yang hkrun lam

Knet; March 5, 2007

AWK BAM (HKRA BUM)

Ndai Awk Bam gaw Chihpwi mare lawu Nmai Hka a sin na hkran nga ai, Zang Nawng mare a lahta hpa lung mali daram kaw Nmai Hka ka ang yang nga ai Bum paw law kasha re. Bum kaisha rai timung Wunpawng Sha ni a labau hta ahkyak ai bum rai nga ai.

Awk Bam Bum (Hkra Bum)

BUM A AHKYAK AI LAM

Majun;- Moi Ninggawn wa magam shing nrai Mao"Gyoe lamu ga dup shara ngut nna, hpang jahtum shi a baw sang ni rai nga ai shinggyim masha ni hkawmsa hkawmwa loi na matu Ninggawn Hkrai Wa mahkrai hpe mung hkrai wu ai. Dai mahkrai gaw Nmai hka a hka nam de yu wa yang Mile shi jan tsan ai kaw, N-ngut kre lu ai Ninggawn Hkai Wa mahkrai hpe mu lu na rai nga ai. Dai mahkrai garai nngut yang, Kanu yan Kawa si ai lasu su du ai rai nna, tin shapun wa mat ai shaloi shi a lamu ga shadawn ai bum ren Zang Nawng mare a mare baw bum, Kasung Bum kaw shadaw kau u ai. Shingrai loi mi pawt mayu ai hte N tawng nhtu hte, Kasung Bum hpe dum hpyawt nna, Lamu ga shadawn num ren hpe shayu la u ai. Dai dum hpyawt kau ai Bum ning chyan gaw N mai Hka ka-ang kaw hkrat tu mat ai hpe Awk Bam (Hkra Bum) ngu shamying ai rai nga ai.

Kasung Bum

Mying a Lachyum;- Ninggawn wa Magam Mao" Gyoe gaw, Bum hpe kalang sha n-ga, yawm htum lahkawng lang kahtam ang sai. Hpa majaw nga yang, N mai hka kaw shada bung hkat ai. Bum kasha, bum paw law lahkawng nga taw nga ai dai bum lahkawng gaw kaga nmai hka a sin praw hkran, sinna hkran hkan nga ai du hkra ladaw ni hte shai hkat nga ma ai. Kaga shara ni hta ndai bum lahkawng gaw grai hting nai de shawng Mam ngai nna a loi tai nga ai. Bum de gaw yi nu ai. Awk Bam kaw ting ai Mam gaw nloi nna, kaga shara ni gaw yi nu nga ai. Gawk Gyang, Gawk Loi nga ma ai.

Kaga langai mi gaw hkra u, hkra ganu ni a shing ra hte maren hting nai de shaga hpang nna bumga de shaga mat wa ai shing ra tara nga nga ai. Htingnai de shaga ai hkra u, hkra kanu ni shaga hpang ai hte rau, Bumga kaw nga ai Awk Bam kaw mung shaga sai. Hkra u rai nga ai Hkang Gawng Hkang Gawt, Nhkyeng Barawn, Hkra Kanu rai nga ai Kaw Yeng, Kawk Chyeng, Shi Shi Shanai hkra zawn re ni rai nga ai Shing rai buga masha ni gaw hkra u hkra kanu ni a shaga nsen hpe madat nna, galaw lu galaw sha ai rai nna, dai bum hpe Awk Bam(Hkra Bum) ngu shamying ai rai nga ai.

HKYAWNG MAW HKA RUM

Hkyawng Maw Hka Rum

Shawng ning nan gaw ndai shara hkan ngai mung ya she du ga ai re majaw lam shagu hta shut shai ai lam ni nga yang mara raw ya na matu lajin dat ga ai. Ya ndai bai sa du ai shara gaw Hkyawng Maw Hka Rum rai nga ai. Ndai Kyawng Maw hka rum gaw Ngai Chyi Hpwi hkran, Saw Law mare maga de 17-2-07 ya shani Wa Sha Pa kaw na lagaw lam hte hkawm chyai mat wa ai hta sa du ai shara rai. Ndai hka rum gaw Wa Sha Pa kaw nna Mile 7-8 ram tsan ai shara rai nna, Nmai hka sinpraw hkran de nga ai hka-rum kaba rai nga ai.

Ndai hka rum gaw Dagaw Buk Bum mayan kaw na lwi hkrat wa ai hka rum kaba rai nna maram yu yang meter 1,000 mi ram tsaw ai shara kaw na lwi hkrat wa ai hka rum kaba rai nga ai. Hkyawng Maw Hka Rum gaw Ja Hpwi hku nna sa yang Mile 10 jan rai na re. Dai hka rum grai n du yang Hpa La mare ngu ai mare kasha langai hpe shawng mu lu na re, dai mare kaw na mile 1 bai sa yang Hkawng Maw hka rum hpe mu na re, tim ndai maga de na hka rum hpe ma hkra n mu mada ai, ya ngai sa du ai shara kaw na chyawm gaw asan sha hka rum kaba hpe mu mada lu ga ai.

Ndai Hka rum gaw Nmai Hka de lwi shang ai rai nna tsawm htap la nga ai Wunpawng Amyu Sha ni a sut gan rai nga ai.

Buhkawm Brang