SAW LAW HKRUN LAM

Knet; February 25, 2007

Lai wa sai shaning 3-2-07 ya shaning htum wa maga kaw nna buhkawm mat wa ai hkrun lam brang gaw dai ni 24-2-07 ya shani du hkra bu hkawm mat wa ai buga ginra ni a lam hpe web-site hta lu mara ga ai, shawng n’nan gaw 11-2-07 hta Saw Law Mare de du hkawm mat wa ai.

Ndai Saw Law gaw Ja Hpwi Myo kaw nna dingdung maga de mile 33 tsan ai shara rai nna hkrum lam gaw ya she n’nan galaw hpang wa ai re majaw lam tsawmra naw yak hkak nga ga ai. Ndai hkrum lam gaw Dagaw Buk Bum kaba mayan hku hkan mat ai rai nna hkrum lam mayan hta la-pai maga de yu dat yang tsit lali tsawm la ai Nmai Hka mayan rai nna, hkra maga gaw tsawm htap la ai Dagaw Buk Bum mayan hte Shaying Bum hpe mu mada nga ai. Shaying Bum hte Dagaw Buk Bum lapran Ngaw Chyang hka din ai rai nga ai. Shaying Bum ntsa hta Pang Wa Myo de sa ai modaw lam hpe mu mada nga ai.

Anhte shani hkying 4:00 pm ram hta Saw Law mare n’nan ngu ai hku madung chye na mat sai shara hta shat malu masha wa shadu sha ai, ndai mare hta machyu nga ai mare masha ni gaw Mung Hpawm Asuya magam gun ni hte Mung Chying masha yawng marai (406) rai nna, Asuya Magam gun masha law malawng re ai lam mu lu ai. Saw Law mare madung gaw Gik Bai Dang ngu ai shara de re ai lam mare masha ni kawn chye lu ai.

Ndai Saw Law Mare kaw nna Shaying Bum ntsa na Hkyen Bum ni hpe a san sha mu mada lu ai. Karai Kasang gaw Wunpawng Amyu sha ni hpe shaman jaw ai kum hpa langai rai nga ai. Anhte hpung ni marai 10 jan dai shana jang bai Ja Hpwi de nhtang wa ai. Ndai ten hta lak lai nna marang htu ai majaw modaw lam ma-nyen ai rai nna, dai shana hkying 9:00 pm ram hta she Ja Hpwi Myo de du lu wa sai.

Shaying Bum ntsa na hkyen ni

Shaying Bum ntsa na Pang Wa Modaw lam

Saw Law Mare

Saw Law Mare

Saw Law Mare

Saw Law Mare

Saw Law Mare na Nawku Htingnu

Photo by, KNET.Buhkawm Brang