Htunghking Mare Kawng Shan

Bu Hkawm Brang May 31, 2005

Kong Shan Manau wang

Sinpraw Ginwang Ginjaw Mai Ja Yang Mare kaw nna km. 12 ram tsan ai Miwa Gumsan Mungdan, Jang Hkawng Mare lahta hta Jinghpaw Wunpawng Amyu Sha ni shanu nga ai mare langai nga ai, dai mare gaw Miwa Gumsan Mungdan kaw nna masat tawn da ya ai htung hking mare Kong Shan ngu ai rai nga ai.

Kong Shan Mare Chyinghka

Ndai Kong Shan mare hta mi moi Jinghpaw ni grai n sa nga ai ten hta Balawng ni nga ai shara rai nga ai, de hpang 1946 ning ram hta Jinghpaw Wunpawng Amyu Sha ni htinggaw 2,3 kaw nna myit hkrum let dai mare hpe gaw de hpang wa ai rai nga ai. Ndai mare hta shanu nga ai Jinghpaw Wunpawng Amyu Sha ni gaw law malawng Zi ga shaga ai rai ma ai, nkau nta gaw Jinghpaw ga mung shaga ma ai, rai tim ya na ramma ni hte ma gasha n kau ni gaw Zi ga hte Miwa ga sha chye mat sai.

Shadaw hta maka amyu myu mu lu

Ya ten hta Kong Shan Mare kaw htinggaw 50 ram nga nna masha jahpan 300 ram shanu nga ma ai. Lai mat wa sai 3 ning ram kaw nna Miwa Gumsan Mungdan Asuya gaw Kong Shan Mare hpe htung hking buhkawm ginra tai wa lu na matu Miwa gumhpraw Yuan sen 30 hte tsawm htap dik ai manau wang hte manau htingnu hpe gaw gap da lu sai, dai sha n nga Kongshan mare masha ni a kanbau bungli langai byin tai wa lu na matu mare masha ni a dum nta hpe Jinghpaw Wunpawng htunghking maka hkumla hte dum nta hpe gaw gap nna manam jarawp hte Htunghking malu masha seng lu hpaw na matu Asuya kaw nna garum gumhpraw hte gawgap da lu ma ai.

Manau wang kata na kahkrang hte yungwi pinra

Mare masha ni malawng maga a kan bau bungli gaw Kumshu yi hte Hkauna galaw ai rai ma ai, bai nna shaning shagu shata man 5 daram hta Kong Shan Mare kaw manau nau ai re majaw mare masha ni a dum nta hkan mung sumtsan na manam ni sa manam shangun let htunghking malu masha hte shang gumhpraw lam langai hku nna shabyin shatai lu ma ai.

Manau wang kata na nat jaw labau kumla

Manau Wang hta mung Htunghking malu masha seng kaba langai hpaw tawn da ma ai, dai shat seng hta yungwi ninghkring ni hte Buga shagu na Jinghpaw Wunpawng shayi shadang sha ni tsawm htap dik ai htunghking hte ka manawt dan ma ai.

Mau Se Tung hpe jaw sha ai namsi hpun masat masa.

Ndai mare hta moi 1956 ning ram hta Jinghpaw laili laika hpe sharin na matu Banghuk mare na Sara Shan hpe shaga la nhtawm Jinghpaw laika hpe sharin la masai, tim ya ten hta gaw aten ladaw ni na mat wa ai hta n ga kaga Sara ni mung bai n-nga ai majaw ya na ramma ni Jinghpaw ga hte Jinghpaw laika hpe n chye ai madang daram de bai du wa sai hpe chye lu ai.

Manau wang grup yin lagat hpun kaba shingnip tai nga.

Sinpraw Ginwang Ginjaw, Mai Ja Yang Mare hte ni ai Jinghpaw Wunpawng ni a mare buga langai re majaw, Mai Ja Yang ga de sa du chyai yang Kong Shan mare de sa du chyai na hpe saw shaga dat ga ai.

Manau wang de shang ai chyinghka.

Asuya ni gawgap garum tawn da ai dum nta.

Manau wang kata na shat seng kaba.

Asuya ni gawgap garum tawn da ai dum nta.

Asuya ni gawgap garum tawn da ai dum nta.

Asuya ni gawgap garum tawn da ai dum nta.

Asuya ni gawgap garum tawn da ai dum nta.

Asuya ni gawgap garum tawn da ai dum nta.

Bejing kaw na shi hkrai Sengke hte shata 3 gawt hkawm chyai du wa ai miwa la.