KACHINNET

NANG HPAM LU SHA PAT JASAN MADUN GAWK

Buhkawm brang, June 26, 2005

Mai Ja Yang Nanghpam pat jasan madun gawk

Sinpraw Ginwang Ginjaw, Mai Ja Yang mare gaw dai ni na aten hta grai galu kaba rawt jat wa ai hpe mu lu ai. 2001 ning kaw nna, Mai Ja Yang Sut Maden Ginra hpe hpaw hpang wa ai kaw nna Dai ni nga yang, Mai Ja Yang mare hta, maigan Miwa hpaga hpung ni hte asuya ginrun nna, Mungshawa mung ram ram law nga wa sai.

Ndai shata 26 ya shani gaw Mungkan ting na nanghpan tsi mawan hpe pat jasan ai ninghtoi (The International Day against Drug Abuse and Illicit Trafficking) re ma jaw Mai Ja Yang mare na Nanghpam tsi mawan pat jasan madun gawk de sa du chyai ga ai.

Ndai madun gawk gaw 26-6-2003 ning hta Mai Ja Yang Laksan Sut Masa Ginra Gawnhkang Komiti kaw nna woi awn gaw gap hpang wa nna, 26-6-2004 ya shani hta hpaw hpang wa ai rai nga ai.

Ndai madun gawk hta shinggyim masha hpe jahten sharun ai nanghpam tsi mawan amyu hkum hkra madun tawn da ma ai. Dai sha n-ga tsi mawan a majaw masha hpe gara hku jahten sharun ai lam ni sumla hte hpawn htang madun tawn da ai hpe mu lu ai. Bai nna hkra maga na madun gawk hta gaw mung shawa ni hpe nanghpan tsi mawan hkai na malai, kaga hkai nmai law law ni a lam hpe hpaji jaw ai madun gawk rai nga ai.

Ndai Nanghpam tsi mawan pat jasan madun gawk hta sa du chyai yu ai shaloi, sa du chyai ai masha ni gaw hpaji mung lu nna nanghpam tsi mawan amyu myu hpe mu la nhtawm tinang mung chye sadi, masha ni hpe mung chye hpaji jaw rai, grai akyu rawng ai madun gawk rai nga ai.