KACHINNET

SHIGA DINGSA : [2004] [2005(1)] [2005(2)]

Matsan Chyahkrai Jawng alu tam show Lai Za e galaw.

Laiza; Matsan Chyahkrai Jawng a matu alu tam model& dance hte yungwi pinra show hpe April 25, 2006 shana Lai Za Muklum, Myu Lawt Wunli Gawknu hta galaw ai lam chye lu ai.

Buchuk Ohn Myint Laiza Mare hta Sang Lang zuphpawng galaw.

Laiza; 2006 April (22) ya shani Laiza Mare de Jinghpaw Mungdaw, State and Peace Development Council Ningbaw Tai Mu Buchyuk Ohn Myint hte Hpung ni sa du ai lam chye lu ai.

Wunpawng Mungdan Shanglawt Hpung (KIO) Ginjaw Komiti a n dau shabra laika.

1. 14 lang na Wunpawng Mungdan Shanglawt Hpung Ginjaw Komiti hkum ra zuphpawng hpe ninghtoi 10.4.2006 ya kaw nna 15.4.2006 ya lapran Laiza Muk Lum kaw awng dang ai hte galaw la lu sai.

SASANA DU SHANG AI (50) NING HPRING MASAT DINGSAT JA JUBALI POI

2005 April 15-16 ya shani Waingmaw Myo Ninghtawn, Nam San Yang buga hta kahtawlik sasana du shang ai shaning (50) ning hpring masat dingsat Ja Jubali Poi, Madu Yesu si ai kaw na bai hkrung rawt wa ai masat Paska Poi hte Jau a nta nnan dingshawn poi hpe galaw la lu sai hpe chye lu ai.

(1) Lang na Wunpawng Amyu Sha Mungbawng Rapdaw Hkumra Zuphpawng

Laiza; Lai mat wa sai 6-4-2006 kaw nna 8-4-2006 hta Laiza mare, Sinpraw Majoi Gawknu hta galaw ai (1) Lang na Wunpawng Amyu Sha Mungbawng Rapdaw Hkumra Zuphpawng hpe dai ni 8-4-2006 hta ngwi hpyaw awng dang ai hte galaw la lu sai hpe chye lu ai.

A MYU SHA MUNGBAWNG ZUPHPAWNG (NC) A LAM SANG LANG AI SHAWA ZUPHPAWNG

Laiza; 2006 ning April shata praw 6 ya shani kying 10:00 am aten hta Myusha Wunli Gawknu, Laiza mare kaw K.I.O Dat Kasa hpung Ningbaw kaw nna Amyu Sha Mungbawng Zuphpawng (NC) hte seng nna sang lang ai zuphpawng galaw ai lam hpe chye lu ai.

35 LANG NA KBC HPUNG SHAWA ZUPHPAWNG KABA

Katsu Mare (30-3-2006) shana maga kying 3:45 pm hta Rev. Ying Kyang kyuhpyi ai hte 35 lang na KBC hpung shawa zuphpawng kaba hpe lai ri kaw shang wa na matu shajin wa sai.

35 lang na KBC Hpung Shawa Zuphpawng hpe galaw kyen.

Ndai lang na Hpung Shawa Zuphpawng gaw (35) lang na K.B.C Hpung Shawa Zaphpawng rai nga ai. Ndai Hpung Shawa Zup hpawng gaw lai wa sai ten hta (3) ning hta kalang galaw ai rai tim (34) lang na KBC Mung Shawa Zuphpawng kaw nna (4) ning hta kalang galaw na myit hkrum dai ai re.

MJY hte LZ kaw Manggan Sasana alu tam yu-ngwi pin ra galaw.

Laiza; 2006 ning March shata 11 – 14 du hkra Mai Ja Yang Muk Lum hte Laiza Muk Lum mare kaba kaw Manggan a-na a matu a-lu tam yu-ngwi pinra kaba hpe galaw lai wa sai hpe chye lu ai.

Wunpawng Myusha Pawn Sharawt Hpung (Japan)

2003 ning January shata kaw nna Japan du nga ai Wunpawng Amyu Sha ni Kanu Buga de yak hkak tsinyam hkrum nga ai jawngma ni hpe pawn ba garum na matu Wunpawng Myusha Pawn Sharawt Hpung (Japan) (Kachin National Uplift Society) ngu hpaw ninghtan dat sai.

KANSI (Ginsi) HAW

KNET.March 6, 2006

Ginsi Haw gaw Hpakan Ginwang Ginsi Sengra mare kaw nna 3 km. ram tsan ai shara kaw nga ai Ginsi Du ni a labau shang ai Haw kaba rai nga ai. Ndai Ginsi Haw gaw anhte Masat (6) Dap Dung kaw nna minit 20 ram sha tsan ai shara rai nga ai. Ya yang ndai shara kaw Hpunggyi Num langai sin taw nga ai hpe chye lu ai.

Dap Awn Daju hte Tau Dap Awn Daju Mali Hka Wan Jak sa gawan

Knet. March 4

Lai Za 2006 ning, March shata (3) ya shani Wunpawng Mungdan Shanglawt Hpyen Dap, Dap Awn Daju, Du Kaba Gunhtang Gam Shawng hte Tau Dap Awn Daju Du kaba Zawngbuk Htan Mali Hka Wan Jak hpe sa gawan ai hpe chye lu ai.

Npawn Buga Hkalup Hpung Bansau Mare Nawku Htingnu Gawgap Alu tam Live Show

Knet. February 25

2006 ning February 25 ya shana hta Lai Za Muklum, Myu Lawt Wunli Gawk Nu hta Npawn Buga Hkalup Hpung Bansau Mare Nawku Htingnu Gawgap Alu tam Live Show galaw ai lam chye lu ai.

Masha hte N bung ai Ma Chyangai

Bum tsaw. February 21

Myitkyina Tat Kone Mare e lai wa sai Laban bat mi daram hta e Rawang Num Kasha kaw nna masha hta lak lai ai ma Jingai (chyangai) langai mi shangai wa sai rai nga ai.

U Shabawng Si Hpun (Physic- nut) hte seng ai Hkai Sun hpaji jaw zuphpawng galaw

Knet. February 18

2006 February 18 ya hta K.I.O Ginjaw Hkai Sun hte Hpunau Myen Hkai Sun ni ginlum nna Nam San Aung Ja Yang mare hta U shabawng si hpun (Physic- nut) Myen mying (Chyet Su Pin) hte seng ai hkai sun hpaji jaw zuphpawng galaw ai lam chye lu ai. Ndai U Shabawng Si a Sau gaw Jak sau malai mai lang ai lam chye lu ai.

2006 ning Feb-5 ya 45 ning hpring, 46 lang na Myusha Rawt Malan Nhtoi

KNET

2006 ning Feb-5 ya 45 ning hpring 46 lang na Myusha Rawt Malan Poi hpe Lai Za Muklum hta galaw lai wa sai. Jahpawt hkring 7:30 hta Sinpraw Majoi Manau wang hta Wunpawng htunghkring hpung ginjaw a jauhkyen atsam madun ai lamang galaw ai lam chye lu ai. Jahpawt hkring 8:00 hta Shawa manau nau ai lam na chye lu ai.

Sinpraw Majoi Manau htingnu hting shawn shang hte 45 ning hpring 46 lang na rawt malan poi (4-2-2006)

Knet.February 4.

Laiza; 2006 ning February shata praw 4 ya shani Laiza Muklum hta galaw nga ai Sinpraw Majoi manau htingnu hting shawn shang hte 45 ning hpring 46 lang na rawt malan poi hpe jahpawt hkying 7:00 AM aten shadip lung majai lamang galaw nna Nau Ra Pa pan grang rep lamang hpe galaw la lu sai hpe chye lu ai.

SINPRAW MAJOI MANAU HTINGNU HTINGSHAWN AP NAWNG KYU HPYI HPAWNG GALAW

Knet. February 3.

Laiza Muklum; February 3,2006 ya shani Jahpawt hkying 7:00 aten hta Sinpraw Majoi Manau Wang e Sinpraw Majoi Manau htingnu htingshawn shang pan grang rep ai lamang hte Sinpraw Majoi manau htingnu htingshawn ap nawng kyu hpyi hpawng galaw ai lam chye lu ai.

SINPRAW MAJOI HTINGNU HKRIDIP LAMANG SANG LANG AI LAM

Mungdan la-ngai mi a kata gaw gaw Nawku Htung ni nga shajang ai. Dai Mungdan a Asuya ni hku nna, Nawku Htung ni hpe wang lu wang lang Nawku Dawjau lu na matu, Mungdan a tara jahkrat nna makawp maga madi shadaw ra nga ma li ai.

Sinpraw majoi hta manam ni du sa wa.

2006 ning February pyaw 2 ya shani Sinpraw Majoi Manau Poi hte 45 ning hpring 46 lang na Rawt malan poi hta Sinpraw Sinna Ding Dum Ding da Ginwang shagu na Nu Wa myit su salang ni Lai Za Muklum de poi sa lawm na matu du shang wa sai hpe chye lu ai.

Sinpraw Majoi Manau Htingnu htingshawn shang hte 45 ning hpring 46 lang na Rawt Malan Poi kaba galaw hkyen.

Laiza; 2006 ning February shata praw 3 – 6 ya shani hta, Laiza Muk Lum Mare kaw Manau htingnu htingshawn poi hte 46 lang na Rawt Malan Poi kaba galaw hkyen nga ai hpe chye lu ai..

Lungshawn Manau Poi hta Jinghpaw Mung na ni sa shang lawm hkyen.

2006 ning January shata praw 30 ya shani hkying 2:00 ram hta Myitkyina Mare Kaba na Wunpawng Amyu Sha ni marai 180 jan Lung Shawn Manau Poi sa shanglawm na matu Laiza Muk Lum hta du wa ai hpe chye lu ai.

2006 NING,FEBRUARY PRAW (5) YA SHANI ANG AI (45) NING HPRING, (46) LANG NA RAWT MALAN MASAT NINGHTOI HTA WUNPAWNG MUNGDAN SHANGLAWT KONGSI, NINGBAW KABA KAW N'NA MUNGCHYING SHAWA HTE MAGAM GUN MASHA YAWNG DE SHANA SHABRA DAT AI RAWT MALAN MASAT NINGHTOI MUNGGA.

MUSE NINGHTAWN UPHKANG RUNG MASHA NI HTE MUNGMASHA
HPE N.Y.K HPYEN LA NI GAP SAT AI MABYIN HTE SENG N'NA
K.I.O GINJAW KOMITI A NDAU SHABRA LAIKA.

KNET .January 18.1.2006

Wunpawng Mungdan Shanglawt Hpung K.I.O gaw, Munghpawm Myen Mungdan hta byin nga ai (Mung masa) manghkang lam ni hpe hparan jasan la lu na matu gaw, mungdan ting hta gasat gala lam hpe shazim nna, lit nga ai ni yawng gaw,mungmasa saboi ntsa hta

MUNG SHAWA HTE DAP SHAWA NI HPE SANG LANG HPAWNG GALAW AI LAM

KNET January 10.1.2006

N’htoi 10.1.2006 ya shani Laiza Muklum Gawknu kaw Mung Shawa, Dap Shawa ni hpe Muse Ninghtawn Rung na magam gun marai (6) hpe sa gap sat kau ai lam hte seng nna sang lang dan ai hpawng hpe galaw sai rai.

(58) Lang Na Jinghpaw Mungdaw N’htoi

Knet

58 lang na Jinghpaw Mungdaw Ninghtoi hpe, Munghpawn Myanmar mung dan, Jinghpaw Mungdaw, Myitkyina, shata pru mare Manau wang kaw 5.1.2006 kaw na 11.1 2006 du hkra galaw sa wa na lam chye lu ai.