HOPIN MARE, BUGA COMPANY RUNG HPAW POI

KNET ; May 8, 2007

Laiwa sai 2007 ning May shata 5 ya shani hta Jinghpaw mung, Hopin mare hta Buga Company Rung Nta dingshawng shang poi galaw ai lam chye lu ai.

Rung hpaw poi hpe jahpawt 7:30 am aten hta galaw lai wa sai. Rev. Mading Zung Kyang kawn nna akyu hpyi shaman ya let KIO Ningbaw Kaba Lanyaw Zawng Hra hte Ningbaw Malai Du Kaba Nban La kawn lai sumpan rep di let buga company rung hpe hpaw lai wa sai. Rung dingshawng akyu hpyi hpawng lamang hpe 8:00 am aten hta rung nta ning nan hta galaw lai wa sai. Hkying 9:00 am hta Ningbaw Kaba Lanyaw Zawng Hra hte Tingnyang Up Malai (2) Du Kaba Dr. Manam Tu Ja kawn rung dingshawn hkalum mungga shaga lai wa sai.

Ningbaw Kaba Lanyaw Zawng Hra kawn hkalum mungga tsun ai hta," Ndai buga company rung gaw mung masha nga mu nga mai lam hte hpaga lam hta mung masha ni grau grau rawt jat galu kaba wa lu hkra rau ta gin dun let galaw sa wa na matu yaw shada let KIO kawn lit la woi awn let hpaw da ai company," re lam chye lu ai. Buga company rung hpe Myitkyina, Man Maw hte kaga mare kaba hkan mung hpaw da nga sai lam chye lu ai.

Ndai buga company rung hpaw poi hta KIO Ginjaw Salang, Makam masham hpung, Htunghkring hpung, Mare buga shara shagu na myitsu salang ni hte shawa masha yaw (1000) jan sa du kabu lawm ai lam chye lu ai.

Rev. Mading Zung Kyang kawn nna akyu hpyi shaman nga yang

KIO Ningbaw Kaba Lanyaw Zawng Hra hte Ningbaw Malai Du Kaba Nban La kawn lai sumpan rep di nga yang

Ningbaw Kaba Lanyaw Zawng Hra kawn dingshawng hkalum mungga shaga nga yang

Tingnyang Up Malai (2) Du Kaba Dr. Manam Tu Ja kawn dingshawng hkalum mungga shaga nga yang

Du sa ai myit su du salang ni

Du sa ai myit su du salang ni

Du sa ai buga shagu na myit su salang ni

Photos by KNET.