Myitkyina Ginwang Ramma Gawdin Ninggang Kashun Poi Hpang Sai

Hkalen uma ; 20 August,2007

Jinghpaw Wunpawng Hkalup Hpung Ginjaw, Myitkyina Ginwang a Ramma dap kawn woi awn let, ramma kanawn mazum gawdin htawng shingjawng ai lam hpe August 20, 2007 ya shana maga 2:00 PM kaw hpaw hpang sai lam chye lu ai.

Hpaw poi lamang hpe akyu hpyi ap nawng ai hta, Ginwang Ramma hpu-awn Sara La Seng tinyang up tai nna, Rev. Hkalam Samson shatsam ga tsun nhtawm, Mungga hpe Rev. Lagyi Naw Lawn (Ginwang Ningbaw) htawn tsun nna, Hpungtau Gawlu Seng Awng akyu hpyi ya sai. Dai hpang Ginsup lawm na Ramma ni hpe Sara Tingba Gum Ja kawn Ginsup ga sadi tsun woi ai hpang Ginsup Hpung ni Ginsup Pa kawn yan pru wa sai lam chye lu ai.

Dai ning na gawdin hpaw poi lamang hta laklai ai gaw, shawng n nan Myitkyina Ginwang kata na sakkung hpung up sara Reverend Team hte Myitkyina Muklum Num Ginsup ninghkrin ni htawng shingjawng ai hte hpaw hpang ai rai nga ai. Hpung up Team ni gaw moi na ginsup ninghkrin dingsa ni hkrai gaw raitim asak hta hkan nna n dang dep ai lam ni nga wa ai hpe mu lu ai. Dai majaw, Reverend team hpe Num ninghkrin ni 1:0 hte dang mat ai rai nga ai. Num ninghkrin ni gaw Num she nga tim, La zawn sawn ai hkrai rai ma ai.

Dai ning na ginsup lamang hta shang lawm ai Buga Hpung Ramma ni gaw,

Group (A) hta, Geis, Behtela, Njang Kawng

Group (B) hta, Shatapru, Manhkring, Du Mare, Dap Kawng

Group (C) hta, Jan Mai, San Pra, Njang Dung

Group (D) hta, Maisak Wang, Zi-un, Galilee

ni rai ma ai.

Hpang jahtum na Ninggang kashun poi hpe du na September shata 17 ya shana rai na lam chye lu ai.

Myitkyina Ginwang a Ramma gawdin lamang gaw shaning shagu ngu na daram galaw nga ding yang rai nga ai. Yaw shada ai lam gaw, Ginsup ai hte Karai Kasang a hpung shingkang shadan shadawng na matu rai nga ai. Raitim, Ramma ni re majaw kalang lang kasi kaja n lu madun ai zawn re ai ni mung byin lai wa sai hpe chye lu ai.

Mungga shaga nga yang

Hkalen uma