46 ning hpring 47 lang na Rawt Malan Mungga hkamla hpawng

Knet; February 5, 2007

2007 ning Feb-5 ya 46 ning hpring 47 lang na Rawt Malan Masat N’htoi mungga hkam la hpawng hpe Lai Za Muklum hta, jahpawt hkying 9:30 Am aten galaw ai lam chye lu ai.

Zuphpawng hpa-awn Ninggawn Daju Ningtau Tingnyang Up Salang Kaba Doi Pyi Sa kaw na hpawng mahkyen hti ngut ai hpang hkrat sum mat wa sai share shagan ni hpe hkungga jaw ai lam, Wunpawng Amyu Sha Dawnhkawn hpe hkungga jaw ai lam galaw ai. Zuphpawng mahkyen hte maren Wunpawng Mungdan Shanglawt Hpung, Ginjaw Komiti Tingyang Up, Wunpawng Mungdan Shanglawt Kongsi Ningbaw Kaba Lanyaw Zawng Hra kaw nna 46 ning hpring 47 lang na rawt malan masat ninghtoi mungga hpe Mung Shawa, Dap Shawa yawng hpang de shana shabra ai. Dai hpang KIO Ginjaw kaw nna Dai Lawn Rung (KIA) magam gun ladaw 40, 30, 20,10 ning hpring hkra ap nawng nga ai Myutsaw magam gun ni hpe masat shagrau kumhpa shagrau jaw ya ai.

Zuphpawng Hpa-awn kawn 47 ning hpring Rawt Malan Mungga hkam la hpawng hpe awng dang ai hte ngut kre la lu sai lam n’dau ai hte rawt malan mungga hkam la hpawng hpe ndai kaw hpungdim dat sai.

Ndai hpawng hta Makan Dap hte Magam Dap shagu na Dap Shawa ni, Mung Shawa ni yawng marai 1500 daram sa du ai rai nna, Ginsup shingjawng lamang ni hpe matut galaw ai.

Shana maga hkying 4:00 Pm aten, 46 ning hpring 47 lang na Rawt Malan Masat Ninghtoi, Wunpawng Mungdan Shanglawt Hpung, Ginjaw Komiti Tingnyang Up, Wunpawng Mungdan Shanglawt Kongsi, Ningbaw Kaba Lanyaw Zawng Hra a shagrau sha-a ai man hkrum lu sha hpawng hpe Sinpraw Majoi Manau Gawknu hta galaw nna, 6:00 Pm aten hta Miwa Mungdan hta hka ja sharin la ai htunghking ka manawt hpung kawn ka manawt ai lamang ni hpe galaw na lam chye lu ai.

du sa ai magam dap/makan dap shagu na Dap Shawa hte Mung Shawa ni