59th lang na Jinghpaw Mungdaw Nhtoi hta KIO hte NDA-K uhpung ni kaw nna mung Wunpawng Htunghking Manau Nau

Knet; January 9,2007

Myitkyina Mare Kaba, Shatapru manau wang hta galaw ai 59th lang na Jinghpaw Mungdaw Nhtoi manau poi hta KIO hte NDA-K uhpung ni kaw nna mung Wunpawng Htunghking Manau hte manau nau ai lam chye lu ai.

Dai ni na lamang hta jahpawt 9:00 Am aten htunghking shingni ka hkrang hte Mungdaw Jawngma ni a Aerobic ka ai lamang ni hpe ka manawt ai lam nga ai.

Matut nna Wunpawng Htunghking Hpung Ginjaw woi awng let Wunpawng Htunghking Manau hpe nau ai lam nga ai rai nna, Gat dut poi hte Ginsup shingjawng ai lamang ni hpe mung galaw ai lam chye lu ai. Shana maga hkying 1:00 Pm aten kaw nna Wunpawng Mungdaan Shanglawt Hpung (KIO) woi awn let Wunpawng Htunghking Manau nau ai lam nga ai.

Dai hpang Majoi Gawknu hta nampan mawn sumli shingjawng poi lamang, sumtsan maigan buga shara shagu na du sa ai manam ni hte Manhkrum Shat sha poi lamang ni hpe galaw ai lam chye lu ai.

Shana 7:00 Pm aten hta hpu-nau NDA-K, Htunghking hpung ni a ka manawt ai lam nga ai rai nna, 59th lang na Jinghpaw Mungdaw Nhtoi Manau Shayi shingjawng ai lamang hpe mung matut galaw lam chye lu ai. Dai hpang htunghking shingni kahkrang hte mying gumhkawng ai yu ngwi shayi shadang ni a prat dep yu ngwi pinra ni hpe galaw mat wa na re lam chye lu ai.