LAIZA LAHTA TSANG JAWNG DINGSHAWN POI

KNET January 27, 2007

2007 ning January 27 shani jahpawt 9:00 A.M aten hta Laiza Muklum kata e gaw gap lu tawn sai Laiza Lahta Tsang Jawng, jawng dingshawng shang poi lamang galaw ai lam na chye lu ai.

Shawng nna Rev.Samuela kawn shaman ya ai hte Ningbaw Kaba Lanyaw Zawng Hra, Tingnyang Up Malai 1 Du Kaba Gauri Zau Seng, hte Ginjaw Hpaji Dap Lit Hkam Sara Kaba Sumlut Gam kawn Masin sumri rep di let jawng yu kawan hkawm ai lam na chye lu ai.

Matut nna Laiza Lahta Tsang Jawng Dingshawn Shang Zuphpawng matut galaw ai lam chye lu ai . Laiza lahta tsang jawng hpe KIO Ginjaw, Royal Japan Embassy hte Lauban nkau mi ja gumhpraw garum ya ai hte jawng gaw gap komiti kawn lit la gaw gap sa wa ai lam Jawng gaw gap komiti ningbaw Du Kaba Wa Na Yaw Htung kawn chye lu ai. Laiza lahta tsang jawng hpe miwa gumhpraw (880000 ¥) jan jai lang let 2005 ning April 1 ya kawn 2006 ning May 26 shani du hkra gaw gap sa wa ai lam matut chye lu ai. Zuphpawng hta Ginjaw Hpaji Dap Lit Hkam, Sara Kaba Sumlut Gam kawn mungga shaga lai wa sai. Laiza lahta tsang jawng gaw gap ai lam hta lam amyu myu hku nna garum lai wa sai Lauban ni hte jawng hpe lit la gaw gap ya ai Engineer ni hpe kumhpaw kumhpa shagrau jaw ai lamang galaw ai lam chye lu ai. Tingnyang Up Malai 1 Du Kaba Gauri Zau Seng kawn ra ai lam magup matsun maroi shatsam mungga shaga ai hte Laiza lahta tsang jawng dingshawn shang poi lamang hpe ngut kre sai lam na chye lu ai.

Laiza lahta tsang jawng dingshawng poi hta KIO Ginjaw Salang ni hte Dap shawa, Mung shawa yawng 800 jan sadu ai lam chye lu ai. Shana 6:30 P.M kawn Jawng Dingshawn yungwi pinra lamang nga ai lam matut chye lu ai.

Masin Sumri rep di nga yang

Ningbaw Kaba hte Ginjaw Salang ni Jawng yu kawan hkawm nga yang

Ginjaw hpaji dap lit hkam Sara kaba Sumlut Gam kawn Mungga shaga nga yang

Du Kaba Gauri Zau Seng kawn Lam amyu myu hku nna garum jaw ai Lauban ni hpe shagrau kumhpa jaw nga yang

Ninggawn Amu Madu Dr.La Ja kawn Engineer Min Min Oo hpe shagrau kumhpa jaw nga yang

Tingnyang Up Malai 1 Du Kaba Gauri Zau Seng kawn shatsam mungga shaga nga yang

Du sa ai KIO Ginjaw Salang ni

Du sa ai KIO Ginjaw Salang ni

Laiza lahta tsang jawng

Laiza lahta tsang jawng

Photos by KNET.