Laiza Muklum hta Shaning N-nan Ginsup Poi Kaba Galaw

Knet; January 1, 2007
Wunpawng Mungdan Shanglawt Hpung(KIO) kaw nna hpaw ninghtan tawn ai Ninggawn Daju Ginsup Komiti woi awn let Laiza Muklum, Zup Awng Simsa Ginsup Pa hta Shaning nnan ginsup poi kaba hpe dai ni hkying 10:00 Am aten kaw nna shana maga hkying 5:30 Pm du hkra galaw ai lam chye lu ai.

Ginsup poi hta Htunghpau Gap shingjawng ai lamang, Nam Man Shadaw Lung shingjawng ai lamang, (Num/La) Sumri gang shingjawng ai lamang, U Mun ginsup shingjawng ai lamang, Ka Din ginsup shingjawng ai lamang, (Num/La) Meter 100 gagat shingjawng ai lamang, (Num/ La) Relay gagat shingjawng ai lamang, Ma kaji ni a matu Nlung hta shingjawng ai lamang, Hpaw mi ni a matu Meter 100 gagat shingjawng ai lamang ni hpe galaw wa sai.

Ndai ginsup poi hta sa du n’gun jaw ai hte shang lawm shingjawng ai masha yawng marai 500 daram rai nna, ndai zawn shingjawng ai hta Magam Dap, Makan Dap shagu na magam gun Dap Shawa ni hte Laiza Muklum kata shanu nga ai Mung Shawa kaji kaba ni sa du shang lawm shingjawng ai re lam hpe chye lu ai.