KIC NINGBAW MALAI A ASAK (60) NING HPRING BIRTH DAY GALAW

June 2, 2007 ya shani Wunpawng Mungdan Shanglawt Asuya K.I.C Ningbaw Malai magam lit hpe gun hpai nga ai Lat Du Daju Jum Du Kaba Nban La Awng a Asak (60) ning hpring shangai n'htoi (birth day) chyeju shakawn nawku hpawng hpe galaw ai.

Chyeju shakawn nawku hpawng hpe jahpawt hkying 9:00 Am aten Laiza, Alen Bum Ninggawn Daju Hpyen Dap, KIC Ningbaw malai a rung dum nta hta galaw ai rai nna, shana maga hkying 5:00 Pm aten manhkrum shana shat sha hpawng hpe Laiza Muklum kaw na Sinpraw Majoi gawk nu hta galaw ai rai nga ai.

Shana hkying 7:00 Pm aten Birth Day Yungwi Pinra hpe matut galaw nna, ndai hta mying gum hkawng ai Wunpawng yungwi shayi shadang ni kawn sa du shangwi shapyaw ai re lam.

Ndai shangai nhtoi chyeju shakawn hpawng hta KIO Ginjaw Salang ni, Myen Asuya Jinghpaw Mungdaw Uphkang Du Kaba Bo Chuk Ohn Myint hte Salang ni, makan dap magam dap shagu na dap shawa ni, Sam hpu nau ni, mare buga shagu na ramma ni hte myit su salang ni, mung shawa dap shawa yawng marai 1000 daram sa du ai rai nna wu wu di di rai galaw la lu sai.

Lat Du Daju Jum Du Kaba Nban La Awng gaw wan leng lam Min Kone jan shang maga bum mare kahtawng kaw shangai dai daw ai re lam chye lu ai.

Ningbaw Malai Du Kaba Nban La Awng a shangai nhtoi asak (60) ning hpring ai akyu hpyi wunli la ai lam hpe (60) ning lami laman asak apart ladaw lami langai mi re majaw, hku hkau ai hpaga yumga galaw sha ai jinghku ni karum ya let galaw la ai re hpe chye lu ai.