Masat yan (1) Nam Maling Gawn Hkang Hpaji Sharin Jawng Yu Hpawng galaw

Knet; July 11, 2007

2007 ning, July shata praw (10) ya shani hkying (10:00) aten hta Laiza Muklum, Hkai / Rem hte Nam Maling Gawnhkang Magam Dap kaw Masat yan (1) Nam Maling Gawn hkang Hpaji Sharin Jawng yu hpawng galaw ai lam chye lu ai. Ndai hpawng hpe Tingnyang up hku nna, Lat Du Up Jum Naw Sam kawn lit la n-na, Hpawng hpa-awn hpe Du Jum Lama Zau Raw lit la sa wa ai lam chye lu ai. Shawng nnan zuphpawng hpa-awn Du Jum Lama Zau Raw kawn lamang mahkyen hti ndau let hpawng hpaw mungga shaga ya sai hte, makam masham Hpung Sara ni kawn kyuhpyi woi awn let hpawng hpe hpaw hpang la sai lam chye lu ai.

Matut nna, jawngma ni a ga shaka hkam la ai lamang hte jawngyu lekmat shagrau ai lamang galaw la sai lam, dai hpawng hta Wunpawng Mungdan Shanglawt Kongsi Ningbaw Malai Lat Du Daju Jum Dukaba Nban La Awng kawn hpaji jaw matsun maroi mungga shaga ai lam chye lu ai. Dai hpang, wuhpawng shamu shamawt ai hte san poi hta shagrau masat lu ai jawngma ni, ningtawn kasi kaja lu ai jawngma hte sharin sara ni hpe kumhpa shagrau nna,Ginjaw Hkai Rem hte Nam Maling Gawn hkang Magam Dap Lithkam, Du Up Daju Dukaba Zawngbuk Htan kawn numhtet mungga shaga ya sai. Dai hpang hpawng tingnyang up kawn mungga hte hpawng hpungdim da sai lam chye lu ai. Ndai hpawng hta magam dap, makan dap shagu na lit lu ai myit su salang ni sa du dung lawm ai lam chye lu ai.

Ndai masat yan (1) nam maling gawn hkang hpaji sharin jawng hpe 2007 ning Frbruary praw 4 ya kawn nna sharin hpang ai rai nna, sharin jawng ma marai 24 rai ai lam matut chye lu ai.

Du Kaba Nban La Awng kawn hpaji jaw mungga shaga nga yang

Ginjaw Hkai Rem hte Nam Maling Gawnhkang Magam Dap Lithkam kawn numhtet mungga shaga nga yang

Ningtawn kasi kaja lu ai jawng ma hpe shagrau nga yang

Photos by, KNET.