K.I.O kaw nna Hkrang Shala Shingni Hpaji Wunkat Hpaw

Knet; March 6, 2007

Wunpawng Mungdan Shanglawt Hpung (K.I.O) kaw nna shawng nnan lang ngu na Masat Yan (1) hkrang shala shingni hpaji wunkat hpe dai ni Laiza Muklum hta hpaw ai lam chye lu ai.

Hpaw hpawng hpe dai ni hkying 10:00 Am aten hta galaw ai rai nga ai. Hpaw hpawng hta Zai Ninggawn Matsun Du, Du Up Jum Du Kaba Gun Maw kaw nna shingni hpaji wunkat hpaw ai a yaw shada lam hpe tsun sanglang ai. Yaw shada lam hta (1) anhte a lam hpe Mung Shawa ni chye hkra (2) anhte hpa galaw nga ai hpe yawng chye lu na matu (3) anhte gara hku myit nga ai hpe chye na matu rai nna anhte gara hku lai len nga ai, htunghking nga ai lam ni hpe yawng mu chye na matu yaw shatawng shada ai re lam tsun sang lang ai.

Ndai shingni hpaji wunkat hta mare buga masha ni hte Shanglawt Masa gat hkai hpung ni sa du hkaja lawm ai rai nna, asak n masat ai sha shingni hpaji hta myit lawm ai ni yawng hpe saw shaga ai lam chye lu ai.

Wunkat hpe K.I.O Shi Sumla Dap kaw nna lit la let, Director U Maung Maung Myint kaw nna gara hku gayet, gara hku matut, hkrang shala ai lam ni hpe sharin ya mat wa na re lam chye lu ai.