Sadung mare hkristan ginra dum nta ni hpe M.P.HK kawn run shangun

Knet; March 17, 2007

Lai wa sai March shata 5 ya shani Sadung mare hta hkristan ginra galaw tsawn ai dum nta ni hpe M.P.HK kawn aming laika hte atik anang run shangun ai lam na chye lu ai.

N run jang puk ma-18 hte ahkyak la na ngu jahkrit shama let March 5 ya shani M.P.HK hpung masha ni kawn hkritan ginra dum nta ni hpe run kau ya nhtawm, lamu ga zing la kau ai lam buga masha langai kawn chye lu ai.

Zing la kau ai shara hpe mung shawa hpyen tsi rung galaw na matu re lam dai buga masha kawn chye lu ai. M.P.HK kawn zing la kau sai hkristan ginra shara a malai kaga shara htawt madun ya ai lam rai nnga ai hpe matut na chye lu ai.