15 Lang na KIO Ginjaw Komiti hkumra zuphpawng hpaw hpawng

Knet; October 15, 2007

2007 ning October 15 ya shani hta Laiza muklum, Sinpraw Majoi gawknu hta 15 lang na KIO Ginjaw Komiti hkumra zuphpawng hpawng hpaw ai lamang hpe galaw ai lam chye lu ai.

Zuphpawng hpe jahpawt 8:30am hta Ninggawn Amu madu Dr. La Ja kawn na zuphpawng hpawng hpaw sai lam n'dau let zuphpawng hpaw hpang sai. Ning tau Ninggawn Amu madu Du Kaba Naw Rip kaw nna woi awn let du sa ai yawng Wunpawng Amyu Sha dawnghkawn hpe hkungga jaw lai sai. Wa jau N bwi Naw kaw na hpawng hpaw kyu hpyi ya sai, dai hpang Rev. Shing Rip kaw nna hkum tsup a kyu hpyi sai. KIO Ningbaw Kaba Lanyaw Zawng Hra kaw nna 15 lang na KIO Ginjaw Komiti hkumra zuphpawng hpang hpaw mungga shaga sai.

N dai hkumra zuphpawng hta KIO Ginjaw salang ni hte KIO dap ba shagu na salang ni yawng marai 40 tup shang lawm ai lam chye lu ai.