Myitkyina Dakkasu jawng pat hkrum

Knet;October 2, 2007

Jinghpaw mung Myitkyina mare hta hpaw da ai Myitkyina dakkasu jawng hpe September 29 ya shani kaw nna dakkasu jawng pat sai lam n'dau let jawng pat kau sai lam chyelu ai.

September 23,24 ya shani hta jinghpaw mung myitkyin, manmaw, monyin mare kata bukda hpungki ni myen asuya hpe ngwi pyaw ai hte n'gun madun ai lam hta dakkasu jawng ma ni alak mi shang lawm ai lam n'nga tim september shata praw hta myitkyin dakkasu hte manmaw dakkasu jawng ma ni woi awn let myitkyina hte manmaw mare shara shagu hta myen hpyen asuya hpe ninghkap ai poster hkang shakap ai lam galaw lai sai.

Dakkasu jawng hpaw yang jawng ma ni grau law wa, grau kahkying nna n'gun madun ai lam ni byin wa na hpe myen hpyen asuya kaw na hkrit tsang ai majaw myitkyina distant dakkasu jawng hpe pat kau ya ai re lam chyelu ai.

Myitkyina distant dakkasu jawng lung na matu sa ai jawng ma ni gaw lai wa sai shani kaw nna tinang n'ta buga de n'htang wa mat ai lam chyelu ai. Jawng ma ni hpe December shata hta she jawng hte bai matut wa na lam matut chyelu ai.

Myitkyina distant dakkasu jawng gaw lawu myen mung Mandalay distant dakkasu jawng garan re majaw mandalay mare kata n'gun madun ai lam nga dingyang jawng naw pat katut na re lam matut chyelu ai.