Wunpawng amyu sha hpu nau n kau mi SPDC hpyen asuya woi galaw wa sai National Convention a lam hte seng n htawm, KIO hpe mara shagun ai laika ni Internet shiga ni hta mu hti ai lam

Knet; October 21, 2007

(1) SPDC hpyen dap asuya gaw, KIO e madi shadaw ai majaw, asuya galaw nga ai n re hte maren, mungdan kata kaw na mungchying masaha ni madi shadaw ai majaw asuya byin nga ai mung n rai ma ai hpe myit dum ra na ga ai. SPDC asuya woi galaw wa ai bungli ni hpe madi shadaw ai, n madi shadaw ai ngu mara tam dinglun nga na lam n nga ai, kadai madi shadaw ya n ra ai sha galaw nga ai re hpe myit dum ra na ga ai.

(2) Internet shiga ngu ai gaw teng ai nga ai zawn n teng ai shanut shanat mung law la nga ai. Ndai hpe anhte shiga lu hti ai masha ni chye hking hka la ai atsam nga ra ai.

(3) Dai majaw, kadai mung tinang man ang ai Jinghpaw Wunpawng Myu Sha yawng a matu tinang nga ai shara kaw nna, tinang lu ai atsam marai, aten hte ding yang galaw sa wa ga ngu n gun jaw dat ai law.