14 LANG NA MUSIC NINGBAW NINGLA SHARIN HPAWNG LAIZA E GALAW

Knet; September 6, 2007

KBC kaw nna woi awn galaw ai 14 lang na music ningbaw ningla sharin hpawng hpe Laiza Muklum Hkalup hpung nawku jawng hta galaw nga ai lam chye lu ai.

Ndai sharin hpawng hpe lai wa sai August shata praw 2 ya shana hpawng ap kyuhpyi hpawng galaw let praw 3 ya shani kawn sharin hpang ai re lam chye lu ai.

Mana hkying 8:00Pm aten hta mung Laiza, Myu Lawt Wunli Gawknu e music ningbaw ningla sharin hpawng fund tam ai hku nna mying gum hkawng ai Wunpawng Yungwi shadang ni shang lawm ai stage show kaba hpe mung galaw lai wa sai.

Ndai sharin hpawng hta madung hku nna Accappela Music hpe Guitar Made na Sara Htun Htun kawn lit la sharin mat wa ai rai nna, Yungwi Shadang Sara Ah Tang kawn mahkawn ka shalat ai lam, Yungwi Shadang Manghkyi Hkawng Lum kaw nna Vocal Training ni hpe sharin ya ai re lam hpe chye lu ai.

Ndai sharin hpawng hta Jinghpaw Mungdaw kata ginwang shagu, mare buga 11 na KBC music ningbaw ningla ni hte Yangon, Mandaly kaw nna KBC music ningbaw ningla ni yawng marai 30 daram sa du sharin hkam la ai re lam chye lu ai.