47 LANG NA KIO SHANGAI NINGHTOI HPE HKAP TAU HKALUM AI NINGGAWN DAJU KOMITI TINGNYANG UP A GAWDIN NINGGANG KASHUN SHINGJAWNG POI HPANG SAI

Knet; October 2, 2007

47 lang na KIO shangai ninghtoi hpe hkap tau hkalum ai Ninggawn Daju Komiti Tinyang Up a Gawdin ninggan kashun shingjawng poi hpe dai ni 3:30 Pm aten Laiza Muklum, Zup Awng Simsa Gawdin Ginsup Pa hta galaw hpang sai.

Ginsup ai a yaw shada ai hta, (1) Pati shamu shamawt lam re. (2) Kahkyin gumdin sa wa ai lam re. (3) Ginsup poi yu nna myit pu ba ai hpe shalan shabran la ai hte myit sim sa ai lam lu la na matu re. (4) KIO Pati shangai ninghtoi hpe galoi mung myit dum nga na matu hte Pati shangai ninghtoi hpe shagrau masat masa galaw ai lam re.

Zuphpawng hpa-awn Du Kaba Hpau Je La Tawng kaw nna mahkyen hti ngut ai hpang Ninggawn Daju Ginsup Komiti Ningbaw Du Kaba Pau Hkyi Zau Hpan kaw nna hpawng hpaw mungga shaga ai. Mahkyen hte maren Ginsup hpung ni Gawdin Pa hta shara la nna, Amyu Sha Dawng Hkawn hpe hkungga jaw ngut ai hpang, ginsup ga sadi hpe shawng hkam la ai. Ninggawn Daju Komiti Tingnyang Up, VCS Du Kaba Hpunggan Zau Nan kawn sa du n gun jaw ai mung shawa masha ni, Dap shawa hte shingjawng lawm ai ginsup hpung ni hpe 47 lang na KIO shangai ninghtoi hkap tau hkalum ai hte gawdin ninggang kashun shingjawng poi lamang hte seng nna shatsam mungga jaw lai wa sai.

Ginsup hpung ni kaw nna Ninggawn Daju Komiti Tingnyang Up hpe hkawm gawoi hkungga jaw ai lamang ngut ai hte ginsup shingjawng ai lamang hpang wa sai lam chye lu ai.

Dai ni shingjawng ai hta, Ginjaw Hkamja Dap hte Dai Lawn Rung ni shingjawng hpang ai rai nna, gawdin hpung lahkawng yan ginsup na jin jin la nga ai kaw Ninggawn Daju Komiti Tingnyang Up, VCS Du Kaba Hpunggan Zau Nan kaw nna gawdin hpe gawdin pa de htawng ba ya ai hte ginsup hpang wa sai rai nga ai.

Ndai shingjawng poi hta La ginsup hpung ni hku nna (1) Hpyen sharin shakyang Dap Dung (2) Laiza Muklum (3) Wun Awng Co. Ld (4) Dai Lawn rung (5) Mungchying Uphkang Dap (DGA), (6) Ginjaw Hkamja Dap ni shanglawm nna, Amyu Shayi ginsup hpung hku nna gaw (1) Hkamja Dap (2) Hpaji Dap (3) Laiza Muklum (4) Laiza Muklum (4) Mungchying Uphkang Dap (5) Tsi jawng (6) Dai Lawn Rung ni shang lawm na re lam chye lu ai.

Shingjawng ai lamang hpe 25 ya shana La gawdin Final ginsup na rai nna, First, Second, Third lu ai ginsup hpung ni hpe shagrau kumhpa shagrau sha-a ya mat wa na re lam chye lu ai.

Ndai hpawng hta Tingnyang Up Malai I Lat Du Daju Jum Du Kaba Gauri Zau Seng, Ningbaw Malai Lat Du Daju Jum Du Kaba Nban La Awng hte ginjaw salang ni, makan dap, magam dap hte mungshawa ni sa du n gun jaw lawm ai lam chye lu ai.

shingjawng lawm na ginsup hpung ni ding ren shara la nga yang

ginsup shingjawng hpang na matu Fire Play hte gawdin pa hta shang shara la hpang nga yang

Ninggawn Daju Komiti Tingnyang Up kaw nna gawdin hpe gawdin pa de htawng bang ya nga yang