( 33 ) Ning Hpring Share Shagan Masat N-htoi Galaw

Knet; praw 10, August, 2008

Aten 1 : 00 PM

Shara - Lai Za < Sinpraw Majoi Manau Gawknu >

(33) Ning Hpring Share Shagan Masat N-htoi Zuphpawng galaw ai lam chye lu ai. Dai Zuphpawng hta, Wunpawng Mungdan Shanglawt Amyu Shayi Hpung, Ginjaw Komiti N/B Shan Hting Hkawn Htoi ,hte Wunpawng Mungdan Shanglawt Hpung, Ginjaw Komiti Salang Kaba Lama Gum Hpan, Mungga jaw ai lam chye lu ai . Dai hpang Wunpawng Mungdan Shanglawt Kongsi Amu madu, Lat Du Up Jum N'gyem Sut Awng Myat kaw nna, Hpawng hpungdim ga shaga nna, Sara Tu San Hpawng hpungdim kyu hpyi ngut ai hte rau , yawng Mungdan Mahkawn, hkawn n'htawm SHARE SHAGAN MASHAT N-HTOI Zuphpawng ngut kre ai lam chye lu ai.

August shata 10 ya 1: 00 PM hta Lai Za Muklum Sinpraw Majoi manau Gawknu hta Share Shagan masat n-htoi galaw ai.Share Shagan masat n-htoi Mungga hpe Wunpawng Mungdan Shanglawt Amyu Shayi hpung a ning tau lit hkam, S. hkawn Tawng kaw nna, Share Shagan Mungga shaga la ai hta ;_

Amyu shagu hte Mungdan shagu hta share shagan n-htoi nga, dai ni August 10 ya hta gaw Wunpawng Amyu masha ni a Share Shagan n-htoi rai. Rawt malan aten raitim, galaw ging ai hte galaw ra ai Share Shagan n-htoi hpe tinang KIO asuya kawn, woi awn galaw sa wa ai majaw, Kanu rai nga ai Myu Shayi ni, na chying chyeju dum ai lam tsun ;

Shi langai mi a ning mu, shinggyim masha Amyu shagu yawng makam nga, n-gun ja ai Mi Wa Amyu ni Kaji Kawa lup de, shaning shagu akyu sa hpyi, dai ni n-gun ja ai lam anhte yawng chye, mani mana OL mpic hpaw ai kaw mau na daram mu, Sinna masha n-gun ja dik American ni mung Karai hpe kam, chyum laika hta tsun ai hte amren Kanu Kawa Kaji Kawoi hpe hkungga lara na, sharin da ai hpe hkan, mayam hta na shalot la ai Gumsan magam Lincon hte kaga ahkyak ai ni a hkrang bung sumla galaw tawn, dai gaw yawng mu lu nna shi lam n-malap na matu rai. Mungkan majan hta hkrat sum mat wa sai Share Shagan ni hpe Moi mang nlu la tim shanhte mying dazik sha raitim lahkawn la, n-nga mat wa sai ni hpe myit dum kyu hpyi yang dai ni a lam hpe tsun let, n-malap kau na hte shanhte a kaja ai arawn alai la na, n-gun ban la ma ai zawn anhte mung kaja ai kasi hpe la let, dai ni na Share Shagan masat n-htoi hta anhte Myu hte Mungdan a matu Share Shagan asak ap nawng wa sai Ningbaw Ningla ni a Myutsaw Mungtsaw myit kaba ai lam, myit hpraw san let, makam masham kaba let, mung masa lam sumtsan mu ai Ningbaw Ningla ni a kasi la nna tinang mung dai Ningbaw Share ni zawn byin hkra shakut ra ai lam.

Shanhte chyeju hpe n-mai malap ai lam dai ni na August shata (10) ya hta anhte Ningbaw GOC hkrat sum ai n-htoi re lam, shi hpe nmai malap ai lam, Share Shagan law law nga ai hta Ningbaw ni n nga mat ai, n-dai shata 6 – 8 – 10 shani Ningbaw hkrat sum ai n-htoi rai, yawn nga nna n-ngut , shanhte zawn marai rawng, myit hpraw san , myu tsaw mung tsaw myit kaba hte shanhte n-ngut kre tawn da ai myu hte Mungdan a magam bungli hpe shakre ra na re lam, shanhte a chyeju hpe dum let, dai Share Shagan wa a Kanu Kawa dum nta masha ni jam jau nga yang, garum shingtau la na, ra ga ai lam, shatsam Mungga jaw sai, lam ni hpe Amyu Shayi Hpung Ginjaw Komiti Ningtau Ningbaw Shan Hting Hkawn Htoi kaw nna, Mungga jaw ai lam hpe na chye lu ai.