Htingbu Miwa Jinghku Mungdan ‘Si Chun' Mungdaw, Nnang nawn machyi hkrum masha ni hte Myen Mung ‘Na Gyit' Nbung Laru tsinyam hkrum masha ni hpe garum alu bang ai hpawng

Knet; May 24, 2008.

Myen Mung Masat (2) Laksan K.I.O uphkang ginra (Laiza) Mung Shawa hte Magam gun ni, Jinghku htingbu Miwa Gumsan Mungdan, Si Chun Mungdaw e lai wa sai ninghtoi 12.5.2008 ya, Miwa hkying 02:28 Pm aten Nnang nawn a majaw jam jau machyi hkrum ai masha ni hte Myen Mung ‘Na Gyit' nbung laru tsin yam hkrum masha ni hpe garum alu jaw ai shawa hpawng hpe dai ni Laiza e galaw ai lam chye lu ai.

Ndai hpawng hpe dai ni 10;00 Am aten kaw nna 1:00 Pm aten du hkra Laiza Muklum, Sinpraw Majoi Manau Wang kaba hta Ninggawn Daju Komiti woi awn let galaw mat wa ai re.

Garum alu jaw ai hta Wunpawng Mungdan Shawnglawt Hpung (KIO) Ginjaw Komiti Tingnyang Up Ningbaw Kaba Lanyaw Zawng Hra hte Ginjaw Salang ni, magam dap makan dap shagu na myit su Du Salang magam gun kaji kaba ni, Wunpawng Amyu Shayi Hpung Ginjaw (KWA) Amyu Shayi Hpung Ningbaw hte magam gun ni, Laiza Muklum kata Mungshawa ni yawng gaw ndai zawn byin ai hpe myit npyaw lawm ai hte garum alu jaw bang ya ai lam chye lu ai.

Garum alu jaw bang ya ai hta Miwa Y uan 151739.00, Myen gumhpraw Kyats 4609900 tup hkap la lu ai lam chye lu ai.

KIO Ningbaw Kaba hte ginjaw Salang ni

Amyu Shayi Hpung ni mung ndai zawn Ssa du garum alu jaw bang