Nau Tung shawng shani hte Nau Tung hpang shani lamang ni hpe galaw ai lam

Knet; February 4, 2008

Mani (Nau Tung shawng shani) jahpawt 8:30 Am aten Miwa Mung Wunpawng Htunghking Hpung ni woi awn ai Manau nau lam galaw sai. Hkying 9:00 Am ten Laiza Muklum Ramma Komiti woi awn galaw ai Kahprek Shingjawng lamang hpe galaw lam chye lu ai.

Shani 11:00 Am ten kaw nna, Sinpraw Majoi Manau Gawknu hta, M.C.C woi awn ai Wunli la akyu hpyi hpawng kaba hpe galaw sai lam chye lu ai.

Shana de 2:00 Pm aten hta Miwa Mung Wunpawng Htunghking Hpung ni woi awn nna, Manau nau ai lamang hpe matut galaw la lu sai rai nna, shana 6:00 Pm ten kaw nna, Manau Wang hta Htunghking Ka manawt shingni lamang hte Sam yungwi shadang ni shang lawm ai yungwi pinra lamang kaba hpe galaw ai lam chye lu ai.

Dai ni ( Nau Tung hpang shani) 7:30 Am ten hta Gangbang Ka hkrang (Ground Show) madun ai lamang, Kahprek shingjawng ai lamang ni galaw ai, hkying 10:30 Am ten kaw na gaw Mung Shawa Dap Shawa yawng shang lawm ai Shawa Manau hpe wu wu di di rai galaw sai rai nna, 2:30 Pm aten hta mung Shawa Manau kaba hpe matut nau mat wa re.

Matut nna 6:00 Pm aten kaw nna gaw Sinpraw Majoi Manau Wang hta Htunghking yu ngwi shingni lamang hte Zau Shadang, Nang Shayi shing jawng ai lamang ni hpe galaw sa mat wa na rai nga ai.

Ndai Poi hta du sa ai manam yawng 2000 daram rai nna, manau poi hpe lamang amyu myu, masha hkum sum hpa hte wu wu di di rai galaw nga sai lam chye lu ai.