Sinpraw Majoi Hkridip Nau Gup Manau Poi galaw hpang sai lam

Knet; February 1, 2008

Wunpawng Mungdan Shanglawt Hpung (KIO) a (47) ning hpring Rawt Malan Ninghtoi, Sinpraw Majoi Hkridip Nau Gup Manau Poi lamang hpe Wunpawng Mungdan Shanglawt Hpung (KIO) Ginjaw rai nga ai Laiza Muklum hta galaw nga sai.

Mani 7:30 Am aten Sinpraw Majoi Manau Wang hta Hkridip manau poi hpe ngwi pyaw simsa ai hte galaw awng dang lu na matu, sumtsan jinghku ni yawng a hkrun lam hta yak hkak dut dang ai lam n nga ai sha angwi apyaw hte manau poi de du shang wa lu na matu, Sinpraw Majoi Hkridip Nau Gup Poi ap nawng akyu hpyi lamang hpe galaw sai.

Dai ni gaw tinang KIO Ginjaw Salang ni, Wunpawng Amyu Shayi Hpung Ginjaw Ningbaw hte amyu shayi hpung ni, Laiza Muklum jawng sara/num hte jawngma ni kaw na Ginwang shara shagu buga shara shagu na du sa ai manam ni, jinghku Miwa Gumsan Mungdan kaw na du sa ai hpu nau ni hpe nampan hte kabu gara hkap tau hkalum la ai lam, Gawng Dang gap let kabu gara hkap tau la ai lam ni hpe galaw wa sai. Du shang wa ai sumtsan manam ni yawng marai 700 daram re lam hpe chye lu ai. Shana 7:30 Pm aten kaw nna Laiza Ramma ni a hkaptau hkalum yu ngwi pinra hpe Sinpraw Majoi Manau Wang hta galaw ai lam chye lu ai.

Hpawt ni na aten Sinpraw Majoi Hkridip Manau, Naugup Poi hpe akyu hpyi hpaw sa wa nna manau hpe mung nau hpang wa sana re lam, Jinghpaw Mungdaw M.P.Hk Taimu Maj. General Ohn Myint mung sa du na re lam chye lu ai.

Matut nna mung ndai poi hpe February 5 ya rawt malan ninghtoi shani du hkra wu wu di di galaw sa mat wa na lam chye lu ai.

Sinpraw Majoi Manau Wang

Sinpraw Majoi Hkridip Nau Gup Poi ap nawng kyuhpyi lamang hta KIO Ginjaw Salang ni hte shara shagu na du sa ai manam ni

Miwa Gumsan Mungdan na Hpu nau ni du shang wa yang

KIO Ginjaw Salang ni kaw nna hkap tau hkalum la nga yang

KIO Ginjaw Salang ni kaw nna hkap tau hkalum la nga yang

Manam tau shara hta ndai zawn hkap tau

Photos by KNET.