Sinpraw Majoi Hkridip Nau Gup Manau Poi hpe awng dang ai hte ngut kre la lu

Knet; February 6, 2008

Mani 7:00 Am aten, Zupawng Simsa Gawdin ginsup pa hta Rawt Malan ninghtoi hpyen hprim madun ai lamang hte 47 ning hpring rawt malan mungga hkam la ai hpawng hpe galaw wa sai lam chye lu ai.

Hpyen hprim madun ai hta Ginjaw hte Dap Ba shagu na sa du ai rai nna hpyen hprim madun n gun 1000 re lam chye lu ai. Ndai lamang hta Wunpawng Mungdan Shanglawt Kongsi Ningbaw Malai Du Kaba N'ban La kaw nna 47 ning hpring rawt malan mungga hti ai lam, hpyen hprim hpung ni hpe jep joi ai lam hpe galaw lai wa sai. Hpyen hprim madun ai hte 47 ning hpring rawt malan ninghtoi mungga hkam la ai hpawng hta mung shawa dap shawa yawng marai 2000 daram sa du n gun jaw mungga hkam la ai lam chye lu ai.

Matut nna jahpawt 9:30 Am aten Sinpraw Majoi manau wang hta Shawa Manau hpe wu wu di di myit hkrum myit ra hte nau sai rai nna, , shani 12:00 aten shawa zuphpawng, shana maga 2:30 aten kaw nna gaw shaman tawn da ai lak san manau hpung ni Nau Dim Manau nau ai lamang, Buga shara shagu na du sa ai myit su du salang ni hte manhkrum lu sha hpawng hpe galaw wa sai chye lu ai.

Shana hkying 7:00 Aten hta Shang Lawt Masa Gat Hkai Hpung a ka hkrang, yu ngwi pinra, Laiza ramma woi awn komiti ni woi awn galaw ai Zau Shadang, Nang Shayi shingjawng ai lamang hpe galaw let rawt malan ninghtoi lamang ni hpe galaw ngut kre la lu sai.

Dai ni gaw ndai poi hta sa du ai shara shagu na manam ni tinang buga ginra de bai n htang wa ai hpe Poi Komiti ni gaw nja n hpra shakram dat ai lamang ni hpe galaw let Sinpraw Majoi Hkridip Nau Gup Manau Poi hpe mung awng dang ai hte wu wu di di rai galaw ngut kre la lu sai lam chye lu ai.

hpyen hprim n gun 1000

mung shawa dap shawa ni yawng hpyen hprim madun ai hpe hkying kaba sa du yu

GOC Lahtaw Zau Seng Jan hte KIO Salang jan ni mung sa du yu

Hpu nau NDA-K Salang ni mung rawt malan nhtoi hpyen hprim yu nga yang

dum ai ni mung n hkring n sa

Dum ai ni mung n hkring n sa

nau shawng yan ndai zawn manau ka manawt

hpu nau NDA-K hpyen num/la ni mung ndai zawn manau nau lawm