Ginjaw Ginra Shimlam Dap Ba Daju Hta Nambat (1) Lang Ngu Na Christmas Hte Wunli La Kyu Hpyi Hpawng Galaw

Knet: 2006 December 23

Nambat (1) lang ngu na Ginjaw Ginra Shimlam Dap Ba Daju Christmas kyu hpyi hpawng hpe 2006 ning December 23 ya shani galaw ai lam chye lu ai.

Zuphpawng hta Ginjaw Ginra Shimlam Dap Ba Daju na ningbaw ningla ni, Magam Dap hte Makan Dap n kau myi kaw na hpu-awn ni, ni nawn ai shara na Nu/Wa myit su ni sa du dung lawm ma ai lam chye lu ai.

Salang Kaba Labya Tang Gun, Ginjaw Ginra Division Officer kaw nna akyu hpyi na lam ni hpe shana la ngut ai hpang Wa Jau Joseph Nbwi Naw kaw nna Karai Kasang a mungga hte shatsam la ai. Wa Jau Joseph Nbwi Naw shatsam ai mungga hta shada tsawra hkat let hkap la hkat ra ai lam (Mutual Acceptance) nga ra ai lam, Shanglawt lu na matu Karai Kasang kaw dan tawk akyu hpyi ra ai lam ni hpe tsun shatasam mat wa ai lam chye lu ai.

Ginjaw Ginra Shimlam Dap Ba Daju gaw shawng e Ga n manu ai labau nga ai labau nga ai shara re majaw Karai Kasang kaw nna shaman ya let wunli jaw ya na matu mung akyu hpyi ai lam chye lu ai. Ndai Christmas akyu hpyi hpawng gaw Ginjaw Ginra Shimlam Dap Ba Daju a shawng nnan lang ngu na akyu hpyi hpawng kaba re ai hta sha n-ga hpu-nau uhpung ni mung kyu hpyi hpawng hta shang lawm ai lam chye lu ai. Rev. Shing Rip shaman ya ai hte kyu hpyi hpawng hpe hpungdim dat ai rai nna shana 6:00 Pm aten hta yu ngwi pinra hpe galaw na re lam chye lu ai.

Dai ni hkrai Laiza hta X’mas hte Chyeju shakawn kyu hpyi hpawng hpe, Ginjaw Komiti Rung, Du Up Sarawun Lahpai Htu Bu a magam gun (25) ning hpring kyu hpyi hpawng hte asak (45) ning hpring Chyeju shakawn hpawng ni hpe galaw ai lam chye lu ai.