MYITKYINA MAWRU SUMLA NI

Photos by L. Seng Lawn

       2004 ning July shata praw 18 ya shapawt kaw nna Myitkyina mare hta byin lai wa sai mawru kaba gaw ya aten hta hka lim ai shara ni ram ram yawm mat wa sai. Rai tim masha law law gaw dum nta hten run mat nna dum nta n kau gaw hka naw ing nga ai re majaw nga shara n nga mat ai, ya yang tsinyam hkrum nga ai masha dai ni gaw refuge camp hta dum nta, nga shara n nga ai laman gan shingbyi nga ai hpe chye lu ai.
    Refuge camp shara hte hten run hkrat sum mat ai jahpan ni gaw;-
1. N Jang Kawng kaw shingbyi nga ai masha gaw 300 nga nna ngam nga ai ni gaw jinghku nta ni     hkan gan shanu shingbyi nga ai.
    Matsing;
    N jang Kawng hta dum nta 5 hten run mat nna nta 15 gaw kaji kajaw hten, masha 1 si ai.
2. Dap Kawng hta masha 600 jan shanu shingbyi nga ai, masha 400 ram gaw ru yak jam jau nga nna     tin tin garum ra nga ga ai.
3. Dap Kawng mare na lahta tsang jawng No. 5 hta shanu shingbyi nga ai tinggaw 72 masha 489 rai     nga ai
    Matsing;
    Dum nta 85 hten run mat ai.
4. N Jang Dung nawku jawng hta shanu shingbyi nga ai tinggaw 28, masha 131 rai nga ai.
5. Zi Lun lahta tsang hpaji jawng kaw shanu shingbyi nga ai masha yawng tinggaw 677, masha 4,611     machyi masha 706 law malawng gaw ma hte asak kaba ai ni rai nga ai.
    Matsing;
    Dum nta 20 hten run mat ai.
6. Shwi Zet nawku jawng hta shanu shingbyi nga ai masha 317 dum nta 44 hten run mat ai.
7. Manghkring mare na masha tinggaw 173 masha 1,361 refuge camp hta du nga ai, hkalim nga ai     dum nta yawng 377 rai nga ai
Manghkring mare na masha shanu shingbyi nga ai refuge camp ni gaw;
1. Manghkring lawu tsang jawng
2. Manghkring lahta tsang jawng
3. Shawng nnan Lisu nawku jawng
4. Jinghpaw hkalup hpung nawku jawng
5. Lisu Bethlehem nawku jawng
8. Waimaw mare hta dum nta yawng 434 hka lim ai, jam jau hkrum nga ai masha gaw 3,566
    Matsing
    Hten run mat ai ni gaw, Mam dang 300 jan, Chyinghkrang dum dang 100 jan, dumsu 10 jan,      wa 27 rai nga ai.
9. Hkat Shuang mare hta hten run hkrat sum mat ai ni gaw dum nta 69, mam dang 430, mam hkai ai     shara acre 2,292, sun acre 952
    Matsing
    Hkat Shung mare gaw hka lam ang ai re majaw hten run hkrat sum mat ai lam ni grai law nga ai, gumpraw hku sawn shadawn yu yang sen 700 lahta de rai mat sai.
10. Ma Hkam Ti mare hta hten run hkrat sum mat ai ni gaw chyinghkrang tum dang 600 jan, mam       dang 1,500 jan, bainam 10, dumsu 2, chyinghkrang sau pa joi 10,000 rai nga ai.
11. Shatapru hta hkalim mat ai dum nta ni gaw yawng 891, ru yak jam jau hkrum ai masha gaw 7,827 rai nga ai, ya tsinyam hkrum nga ai masha dai ni gaw N Jang Kawng nawku jawng hte Dap Kawng nawku jawng hta shanu shingbyi nga ma ai.
      Ya yang hka lim ai mare kahtawng ni gaw lani hte lani hka yawm wa sai, rai tim mare kahtawng law law hta hka naw ing nga ma ai re majaw dum nta nga shara n lu mat ai masha ni gaw refuge camp hta naw shanu shingbyi nga ra ai. Ndai aten du hkra rai yang masha 50 ram si ai hpe sawn maram lu ai.
      Nawng Nang lahta na mare kahtawng ni gaw hkalim nga ai laman jinghku jingyu ni kaw gan yen shingbyi nga ai hpe chye lu ai.
Ndai hkrat sum mat ai lam ni gaw n lu sagawn ai shara law law naw nga ai hkumtsup sai ngu n ngu mayu ai lam hpe chye shangun mayu ai.

KACHINNET