KACHINNET

WUNPAWNG AMYU SHA MUNGBAWNG RAPDAW AMU GUN HPUNG HTA HKAN SA NA MATU HKAM LA AI LAM

GAHPAW

Wunpawng amyu sha ni gahkyin gumdin lam, simsa lam hte bawng ring lam hpe madung tawn let langai lang na Wunpawng Amyu Sha Mungbawng zuphpawng kaba hpe 2002 ning, October (21) ya kaw nna (25) ya lapran Laiza mare kaw galaw sai. Dai zuphpawng de Wunpawng Amyu Sha bawsang shagu, makam masham hpung shagu hte nga shara shagu kaw na mung chying sha myit Su Du Salang ni sa du zuphpawng sai.
Dai Zuphpawng hta yawng myit hkrum sai hte maren Wunpawng Amyu Sha ni a gawng malai tai na Wunpawng Amyu Sha Mungbawng Rapdaw (WMR) hpe hpaw shalat da saga ai. Dai Wunpawng Amyu Sha Mungbawng Rapdaw a yaw shada ai lam ni hte amu bungli ni hpe ta tut hkrang shapraw galaw sa wa lu na matu Wunpawng Amyu Sha Mungbawng Rapdaw Amu Gun Hpung hpe mung hpaw ninghtan da lu sai.

1. WMR AMU GUN HPUNG A YAW SHADA AI LAM NI.

1. Simsa ngwi hpyaw lam.
2. Myit hkrum gahkyin gumdin lam.
3. Tara rap ra lam.
4. Rawt Jat bawng ring lam.

2. WMR AMU GUN HPUNG A MADUNG LIT NI.

1. Simsa ngwi pyaw lam hte shada da hkrum ra hku hkau mazum shajang na lam hte myit jasat madi shadaw let garum lawm na ( to assist peace and reconciliation process).
2. Myit mang hkrum ning htan ai hte rawt jat galu kaba wa na lam ni hta madi shadaw let garum lawm na (to assist unity and development) rawt jat galu kaba a na lam ni ngu ai hta;

(1) Hkam kaja bawng ring lam,
(2) Hpaji hparat chye chyang lam,
(3) Htung hking hte laili laika lam,
(4) Tara u padi ngang kang lam hte hkan sa lam,
(5) Kam bau lam, galaw lu galaw sha lam, hpaga yumga sut lu nga mai lam,
(6) Shi ga hte sat lawat htinglu htinglai lam,

3. Mung masa hte seng nna ra wa yang hpaji jaw bawngban lawm ai lam, Wunpawng sha ni a gawng malai dat kasa jawm myit, jawm lata ai lam ni hta karum lit la lawm na (to assist political consultation and deligation upon circumstances).

Ga shadawn;

(1) Hpaji jaw bawngban ai lam ni hpe woi awn lit la na.
(2) Dat kasa tai ya ai lam hte dat kasa lata san ai lam ni hpe lit la woi galaw na.
(3) Mung masa party langai n rai ga ai hte maren, party mung masa lam hta asan awan lapran tsap na.

4. Amyu sha ni shada da a shuk shanut lam mang hkang hte mung masa u hpungp u hpawng ni shada da shuk shanut lam mang hkang ni hta nsa shang achya lawm ai sha, Wunpawng sha ni a matu akyu ara nga na lam a n’tsa e madung tawn tsap sa wa na. (To avoid multi enthic entanglement problems and multi organization entanglement problems)

5. Bungli lam magup hta asan awan adan aleng shamu shamawt galaw sa wa ai ladat rai na. Teng man ai lam hte mabyin masa sat lawat majing hpe hpaji machye machyang jaw mat wa let garum shaingtau lawm nang wa ai ladat byin na matu galaw na. (to raise the awareness to the truth, reality, and to conduct co-operativeness)

Up hkang woi awn niungbaw ningla ai ladat nlang ai sha, hparan shang htingram jahkrup garum jaw ai (Intermediary role) bungli shamu shamawt ai ladat hpe ningshawng jaw na.

AMU GUN HPUNG HPE HPAW NINGHTAN AI HKRANG

(1) Ningbaw
(2) Ningbaw Malai
(3) Amu Madu
(4) Ginrun amu madu (1)
(5) Ginrun amu madu (2)
(6) Kun hting
(7) Malawm salang ni.

MAGAM LAKUNG HPAW SHABAWN AI LAM

1. Buga gaw sharawt lam hkaja yu reng bungli lahkung.
2. Ramma lam sawk hkaja yu reng bungli lakung.
3. Amyu shayi lam sawk hkaja yu reng bungli lakung.
4. Sut tam lam sawk hkaja yu reng bungli lakung.
5. Sawk gyin lam sawk hkaja yu reng bungli lakung.
6. Htung hking lam hte laili laika lam sawk hkaja yu reng bungli lakung.
7. Hpa rat lam sawk hkaja yu reng bungli lakung.
8. Hkamja bawng ring lam sawk hkaja yu reng bungli lakung.
9. Shiga lam sawk hkaja yu reng bungli lakung
10. Nang hpam tsi mawan hte kani pat jasan sawk hkaja yu reng bungli lakung
11. Tara upadi ngang kang lam sawk hkaja yu reng bungli lakung.

RAPDAW AMU GUN HPUNG SALANG HKUM DIN DEK HKAN SA RA AI TARA NI.

1. Wunpawng Amyu Sha Mungbawng Rapdaw a yaw shada ai lam ni hpe n shut n shai hkrang      shapraw sa wa na.
2. Wunpawng Amyu Sha Mungbawng Rapdaw gaw, (1) Party mung masa hpung langai n re ai. (2)      Mungdan Asuya a ninghkap hpung langai n re ai ngu ai hpe chye na hkam la ra ai.
3. Party mung masa bungli hpe ta tut galaw ai masha langai gaw Rapdaw Amu Gun Hpung hta n mai     shang lawm ai zawn Rapdaw Amu Gun Hpung Salang langai gaw party mung masa bungli hta ta tut     n mai shang galaw lawm ai. Party mung masa bungli a matu rapdaw hpe chya lahkum n mai shatai     ai.
4. Rapdaw Amu Gun Hpung gaw bai du na Mungbawng Rapdaw Hkumra Zuphpawng hpe woi awn     galaw ya nhtawm magam lit hpe dai zuphpawng hta jawm ra lata dang san ai Rapdaw Amu Gun     Hpung ningnan a lata de, aten shata mi na laman tsep kawp ap ya ra ai.
5. Rapdaw Amu Gun Hpung a aten ladaw gaw Mungbawng Rapdaw Hkrumra Zaphpawng langai hte     langai a lapran na aten ladaw rai nga ai.
6. Rapdaw Amu Gun Hpung a zuphpawng langai mi gaw Amu Gun Hpung Salang ni kaw na ka-ang     hkup jan du dung lawm jang tara shang ai zuphpawng rai sai ngu masat la na.
7. Rapdaw Amu Gun Hpung a rit kawp tara hpe tup hkrak hkan sa na. Tawt lai a masha hpe mara     hta hkan nna sadi jaw ai, ahkyak la ai, shing n rai Amu Gun Hpung kaw nna jahkring kau hkrum     na.
8. Rapdaw a ntsa tut nawng sadi dung nga na hte mungshawa a hkungga kam hpa ging ai masha byin     hkra shakut shaja sa wa ra na.
9. Rapdaw mying gang nna ting gyeng akyu ara tam ai lam hpe tsep kawp koi gam na.
10. Amu Gun Hpung zuphpawng de n du dung lawm na rai jang tau hkrau ahkang pyi ra na.
11. Tinang hta ang wa ai magam bungli lit ni hpe ang dang hkra shakut shaja gun hpai sa wa na.
12. Rapdaw salang langai ngai hpe ahkyak la ai lam hte hkring sa shangun ra ai lam ni nga wa jang       Amu Gun Hpung Hkumra zuphpawng hta dawdan shagrin la ra na.
13. Tinang amyu hte Rapdaw a sari hpe ahtu hkra shangun ai aga tsun shaga ai lam hte lai a hkyang       hpe tut nawng koi gam na.
14. Wunpawng Mungdaw hte Munghpawm Myenmar Mungdan hpe ahtu agawng jahpoi jahpyak ai       arawn alai ni hpe koi gam na.
15. Maigan a chying lau jahten ai lam ni hpe tsep kawp n hkap la na.

GA DIM
N dai WMR Amu Gun Hpung Salang ni hkan sa na matu hkam la ai lam laika hpe gram sharai ra wa ai lam hte jat bang mayu ai lam nga wa yang WMR Amu Gun Hpung a hkumra zuphpawng langai ngai hta sha galaw mai ai. WMR Amu Gun Hpung Salang ni hkan sa na matu hkam la ai lam mung grin nga na re.

Amu Gun Hpung
Wunpawng Amyu Sha Mungbawng Rapdaw

WUNPAWNG AMYU SHA MUNGBAWNG RAPDAW AMU GUN HPUNG (EC) HTA LAWM AI DU, SALANG MYIT SU NI A MYING JAHPAN

HPAJI JAW MYIT SU NI

1. Du Kaba Lamung Tu Jai
2. Du Kaba Zahkung Ting Ying
3. Du Kaba Mahtu Naw
4. Duwa Howa Zau Gam
5. Du Lahtaw Hkun Seng
6. Rev. Dr. Saboi Jum
7. Sara Daw Pawi Zing Htung Grawng

AMU GUN HPUNG NI

1. Sara Kaba Sum Lut Naw (Ningbaw)
2. Du Kaba Gauri Zau Seng (N/T Ningbaw)
3. Dr. Manam Tu Ja (Amu Madu)
4. Du Chang Lang Ginrun Amu Madu (1)
5. Du Dingra Ah Hpung Ginrun Amu Madu (2)
6. Du Lakoi Tu Malawm
7. Sut Du Yup Zau Hkawng Malawm
8. Sut Du Lahpai Hkun Sa Malawm
9. Du Mading Chang Hkaw Malawm
10. Sara Lashi Lahkawm Malawm
11. Sara Sumhpawng Sin Wa Malawm
12. Sara Myitung Tu Malawm
13. Du Zahkung Hkawng Je Malawm
14. Du Nhpan Ja Ra Malawm
15. Sara Labang Gam Awng Malawm
16. Du Dingyau Zau Ing Malawm
18. Salang Waye Ja Malawm
19. Sara Nhkum Tang Malawm
20. Du Mukyin Dau Hawng Malawm
21. Du Maran Zau Nan Malawm
22. Sara Lahtaw Kum Ja Malawm
23. Sut Du Nsang Tu Awng Malawm
24. K.D.A Kasa Malawm
25. K.D.A Kasa Malawm

KIO hte NDAK Ginjaw lahkawng de na ningbaw ningla myit su ni hkum zup ai zuphpawng
WUNPAWNG AMYU SHA MUNGBAWNG RAPDAW A LAM SHACHYEN AI LAIKA
Langai lang na Wunpawng Amyu Sha Mungbawng Zuphpawng ndau shabra laika
ROAD MAP a ntsa Wunpawng Amyu Sha Mungbawng Rapdaw a ndau shabra laika