| WUNPAWNG
AMYU SHA MUNGBAWNG RAPDAW De, Hkungga
let, ( 1 ) RAPDAW BYIN TAI WA AI LAM.
Wunpawng Amyu Sha Mungbawng Rapdaw byin
tai wa ai gaw, da ndai hku rai nga ai. K.I.O e di dun hpang, NDA ( K )
e atsam bang, K.D.A a myit shawang ladat hte, A.D 2002 ning, October shata
( 21-25 ) laman Laiza Mare “ Myu Lawt Wunli Htingnu” hta e,
Mungbawng Salang 267 du zup ai Wungpawng Amyu Sha Mungbawng Zuphpawng
kaw na dai daw dat ai Rapdaw nan rai nga mali ai. Shingteng amying gaw
Wunpawng Amyu Sha Mungbawng Rapdaw ( WMR ), myen hku gaw ucsif trsdk;cm;rsm;
twdkidyifcHtzGJh nga, Inglik hku gaw Kachin Nationals Consultive Assembly
(K.C.A ) nga shamying masat da sai re. Ningbaw Kaba Lamung Tu Jai, Ningbaw
Kaba Zahkung Ting Ying, Duwa Lahtaw Hkun Seng, Duwa Wabaw Zau Naw hte
Sara Kaba Sumlut Naw, n dai hte tingngang e dung let, zuphpawng hpe woi
awn hpang, lam woi ningshawng wa ma sai. Dai zuphpawng de Wunpawng Ginra
shara shagu na Wunpawng Amyu Sha ningtau ningbaw ni du zup nga ai. Putao,
Nog Mung, Sumpra Bum, Danai, Myitkyina, Waimaw, Chyahpwi, Njang Yang,
Mogawng, Monyin, N mawk, Man Maw, Man Je, Shwe gu, Mu Je, Kutkai, Lashio,
Mandalay, Yangon ninghtawn buga de na myitsu salang, mahkawn shabrang
267 tup du zup sai. Zuphpawng Kaba hpe shagrau sha-a, Kabu gara hkaptau
la ai masat dingsat shatai let, buga shara shagu de na Wunpawng Amyu Sha
ni bau kaba ( 11 ), dawng lahkawng magwi kawng zum mi, shanglawt masat
n htu shachyai kaba langai mi gun bang shagrau masai. Langai lang na Wunpawng
Amyu Sha Mungbawng Rapdaw kaw na daw dan lam lahkawn hpe galaw lu sai. ( 2 ) RAPDAW A BUNGLI MASA. Rapdaw gaw shingteng amying hte maren Amyu Sha lam yan bungli masa ( National Politics ) hta tsap na re. Party mung masa ( Party Politics ) hta n tsap na re. Lachyum gaw, Wunpawng Amyu Sha ni a Sim sa ngwi pyaw lam, Myit hkrum gahkyin gumdin lam,Tara rap ra lam Hkam ja bawng ring lam, Hpaji hparat bawng ring lam, Sut bawng ring lam, Nga sat nga sa htung hking bawng ring lam ni hpe madung dat nna, galaw shakut ai rapdaw rai na re. Kaga wuhpung wuhpawng ni hpe ahtu agawng jehpre jetang ai Rapdaw rai na n re. Yaw shada lam bung ai gara wuhpung wuhpawng hte rai timung bungli galung galaw sa wa na re. Ndai Rapdaw gaw, Wunpawng Amyu Sha ni grin nga dingsa agrin nga na rap daw re. Wunpawng Amyu Sha agrin nga na matu mung shakut shaja sa wa na Rapdaw re. Kaga masha ni hpe n manoi ai sha, tinang a atsam hta lahpran tsap nna, Wunpawng Amyu sha ni a matu bungli gun shaja ai Rapdaw re. Tinang n-gun atsam grau rawng wa hkra Karai Kasang a chyeju hta manoi let tinang nan lam tam shakut ai Rapdaw mung rai nga mali ai. Kadai hpe n kam, Wunpawng Amyu sha ni a atsam hpe kam ai Rapdaw nan rai nga ai. ( 3 ) AP NAWNG KYU HPAWNG.
2002 ning, October 19 ya shani Rapdaw Zuphpawng manam mi du shajang ai.
October 20 ya shani gaw dai madu a laban shani rai nga ai.Dai sha ni jahpawt
hkying 7:00 e, Laiza Buga Hkalup Hpung Nawku Htingnu hta, Amyu Sha Mungbawng
Zuphpawng Ap Nawng Ginlung Kyu Hpyi Nawku Hpawng hpe woi hpawng let, byin
tai wa na Rapdaw a matu Karai Kasang kaw wunli wun-gau hpyi la sai. Dai
nawku hpawng a tingngyang up gaw Rev. Shing Rip rai n na zuphpawng kyu
hpyi ai lam hpe Rev. Naw Mai woi awn la mi ai. Ninggawn Amu Madu Dr. Tu
Ja gaw Amyu Sha Mungbawng Zuphpawng a lam hte shachyen ya n na, Sara Daw
Maran Shan Lum gaw, Mungbawng Zuphpawng hpe Wa Karai Kasang e npawt ndung
hkren woi awn ai hte, Wunpawng Amyu Sha ni a prat pra lam hpe bau sin
ya na hta n- ga, Wunpawng Amyu Sha ni a aprat shawng lam jasan ya lu ai
hpaji
Karai Kasang gaw ndai Mungbawng Zuphpawng hta teng sha lawm nga ai lam;
ndai Mungbawng Zuphpawng hpe Karai Kasang lajang da nu ai lam; Madu gaw
yawng hpe up hkang nga ai lam; anhte Amyu sha ni hpe mung up hkang nga
ai lam; dai majaw anhte hpa hpe mung n hkrit tsang ra ai lam; Shi gaw
anhte a madu sha n rai, Kawa mung re ai lam; anhte hpe kabai tawn ai n
rai, anhte hpe tsaw ra ai Kawa mung re ai lam; Kasha shingtai Yesu hpe
jaw kau ai kaw du hkra anhte hpe tsaw ra ai lam; dai majaw hpa tsang shara
n nga ai lam; Karai Kasang hpe kam hpa sha myet shanat ai ni hpe hpaji
shadan ya ai lam; rai dum ai ni kaw na hpaji makoi magap tawn ai lam;
Karai Kasang gaw “ Hki ba la n na lit li gun ai ni yawng hte e,
ngai kaw wa marit” nga n na shaga nga ai lam; “ Jahpu manu
n jaw ai sha sa lu sa sha mu, Ngai kaw na sharin la mu, gumrawng gumtawng
myit rawng ai ni nye a chyeju hte shatsan shagang kau ai hkrum na ra ai,”
nga ai mungga ni hpe hkam la ra ai lam; Karai Kasang gaw “ Nye a
kandang gaw hpai loi nga ai,” ngu ai rai n na madu shi lawm yang
Wunpawng Amyu Sha ni a lit hpai lawm na re lam; dai ni na zawn Karai Kasang
hpe shakawn shagrau ai gaw kaja nga ai lam; “ Hpa galaw ai rai timung
ngai hpe dum n na galaw mu,” nga n na Karai Kasang htet da ai lam;
Karai Kasang hpe shawng tam ra ai lam; shi hpe sharawt dat n na tut mada
ra ai lam; Bungli hpe galaw yang Karai Kasang a matsun mungga lang n na
kaangka ai wa shaman chyeju lu la na lam;- ( 4 ) LAJIN LARA AI LAM. Tsawra hkungga ai Makam Masham Kanu Kawa ni hpe lagin lara dat ga ai law. Wunpawng Amyu Sha Wunpawng Rapdaw gaw Karai Kasang a pawn ba shalat dat ai Rapdaw nan rai nga mali ai. Rapdaw bungli hpe gunhpai na matu lata san da ai Hpaji jaw Ninghpum Salang ni gaw, Mu gun Hpung Salang ni mung Karai Kasang e lata san da ai nan rai sai, ngu n na hkap la kam sham nga sa ga ai. Nanhte Kanu Kawa ni mung, tinang ai hpung masha ni hkye hkrang la ai lam lu la na matu sha n rai, hpaji kung zet wa na, hkamja lam bawng ring jat wa na, sut ngang chying wa na lam ni hpe mung, Amyu Sha ni a matu maga mi hku shakut shaja nga myit dai. Dai gaw Karai Kasang a ra sharawng awng ai lam mung rai nga ai ngu kam nga ga ai. Dai rai n na, Wunpawng Amyu Sha Mungbawng Rapdaw hku n na lagin lara mayu ai gaw: Wunpawng Amyu sha ni a matu WMR e galaw sa wa na lam ninghpang rai nga ai, Sim sa ngwi pyaw lam, Myit hkrum kahkyin kumdin lam, Tara rap ra lam, Hkamja bawng ring lam, Hpaji bawng ring lam, Sut bawng ring lam ni galaw sa wa ai shaloi, hpaji jaw la mi, byin mai ai kaw garum madi shadaw la mi, sharin shaga la mi ngu n na, Wunpawng Amyu Sha Mungbawng Rapdaw hte shachyen ya let, Wunpawng Amyu Sha ni a gawng malai tai n na akroi anoi lajin dat nngai rai. “ Hkristu hta e rawng ai myit nan, anhte yawng hta rawng nga u ga law” Hkristu Yesu hta, Ningbaw, Kanan:-
|