Mai Ja Yang Ramma hte Sammung Wunpawng Ramma ginsup shingjawng poi

KNET January 15,2004

January 14 ya shani hta Wunpawng Mungdan Shanglawt Hpung, Singpraw Ginwang Ginjaw kaw nna woi awn galaw ai gawdin hte ta din ginsup shingjawng poi hpe Mai Ja Yang lahta tsang jawng gawdin ginsup pa hta Mai Ja Yang ramma (M.J.Y) hte Kachin Substate Wunpawng Ramma (K.S.Y) gawdin hte ta din ginsup shingjawng poi hpe galaw lai wa sai.
Jahpawt maga hta M.J.Y hte K.S.Y num sha ni a tadin hpe shawng shing jawng ai. Ndai ta din shing jawng poi hta K.S.Y gaw M.J.Y. hpe 15-5 hte dang kau ai lam hpe chye lu ai. Shani maga hta M.J.Y hte K.S.Y la kasha ni a gawdin hpe shing jawng ai.Shing jawng poi hpang nna minit 20 hta K.S.Y gawdin ginsup hpung ni M.J.Y maga de gawdin langai lu htawng bang nna minit 30 hta gawdin langai hpe matut manoi bang la lu ma ai. Shing jawng poi ngut ai hpang K.S.Y gaw M.J.Y hpe 2:0 hte dang la lu ai hpe chye lu ai.
Kumhpa shagrau ai lam hpe shana maga Marai n-nan yu ngwi pinra hta shagrau ma ai. Gawdin hta dang la lu ai K.S.Y ni hpe Singpraw Ginjaw Amu madu kaw nna shagrau kumhpa hpe shalai jaw ya ai. Tadin hta dang lu ai K.S.Y num sha ni hpe Du kaba OBC kaw nna shagrau kumhpa hpe shalai jaw ya ai. Bai nna M.J.Y. gawdin hte tadin ninghkring ni hpe mung Miwa sutdu Wang kya Htai kaw nna shagrau kum hpa hpe shalai jaw ai lam chye lu ai.

Tadin ginsup shingjawng hkyen yang

Jahtum dang lu ai gaw langai sha, tim myit hkrum lam lu la

Sarama ni hte Myutsaw shayi ni ngun jaw

Yawng jin grim

Masat dingsat dawnghkawn galai

N-shayawm ai sha shingjawng

Du Salang ni ngun sa jaw

Bai n shang ya..

Ah ga...Mai Ja Yang ni bai sum sai..

Photos by KNET