K.I.O SHARE SHAGAN MASAT NINGHTOI HPE MYIT DUM AI NINGGAWN DAJU KOMITI A GAW DIN GINSUP HPAW POI

KNET July 25.2006.

Laiza; July 25,2006 ya shani Laiza Muklum Zup Aung Gawdin Ginsup Pa hta K.I.O Share Shagan Masat Ninghtoi hpe myit dum ai Ninggawn Daju Komiti a gawdin ginsup shing jawng hpaw poi hpe shana daw 2:30 aten hta galaw lai wa sai lam na chye lu ai.

Gawdin ginsup hpaw poi mahkyen hpe zuphpawng hpa-awn kaw nna hti ndau na, Ginsup Komiti Ningtau Ningbaw Du Up Mading Hkaw Sau kawn ginsup tara hte ginsup hpung ni hpe ga shaka jaw lai wa sai. Ginsup Komiti Ningbaw Du Up Pauhkyi Zau Hpan kawn ginsup hpaw poi mungga shaga ai hta K.I.O Share Shagan ninghtoi hpe madi shadaw shagrau ai hku nna lanam ginsup ladaw hpe galaw ai lam na chye lu ai. Dai hpang ginsup ninghkring ni yawng Mungdan mahkawn hkawn nna, Ginsup Komiti Ninggawn hpe hkawm kawai hkungga jaw lai wa sai chye lu ai. Gawdin ginsup hpung (8) rai nna gawdin shingjawng poi hpe July 25 kaw nna August 10 shani du hkra shing jawng ginsup na lam na chye lu ai.

Ginsup hpaw poi shani hta Wun Awng Company gawdin hpung hte GR Ginwang Ginjaw gawdin hpung ni shingjaw ai hta GR Ginwang Ginjaw gawdin hpung gaw Wun Aung Company gawdin hpung hpe 2:1 hte dang lai wa sai lam na chye lu ai. Ndai gawdin Ginsup poi hta Wunpawng Mungdan Shanglawt Komiti Salang n kau ni mung sa du n gun jaw ya nna Kanu Kawa Myit su Du Salang ni, Mung Shawa Dap Shawa ni marai 500 daram wu wu di di rai sa du n gun jaw ai lam na chye lu ai

K.I.O Share Shagan masat ninghtoi gawdin ginsup shingjawng poi hta shang lawm ai gawdin hpung ni.

A Group

1. Ninggawn Daju gawdin hpung
2. Laiza Muklum gawdin hpung
3. GR Ginwang Ginjaw gawdin hpung
4. Wun Aung Company gawdin hpung

B Group

1. Uphkang Dap (DGA) gawdin hpung
2. Ginjaw Hkamja Dap gawdin hpung
3. Hpyen It Dap Dung gawdin hpung
4. Ginjaw Hpyen Tsi Jawng

Ginsup hpung hte hpung shara la nga yang

Ginsup hpung hte hpung shara la nga yang

Ginsup Ningtau Ningbaw Du Up Mading Hkaw Sau kawn ginsup tara hti ai hte ginsup hpung ni hpe ga shaka jaw nga yang

Ginsup Komiti Ningbaw Du Up Pauhkyi Zau Hpan kawn ginsup hpawng hpaw mungga shaga nga yang

Gawdin ninghkring ni Ginsup Komiti Ningbaw hpe hkawm kawai hkungga jaw nga yang

Laiza Asuya lahta tsang jawng ma ni gawdin ninghkring ni hpe nampan hte shagrau

Shada shakram

GR Ginwang Ginjaw ni gawdin htawng bang nga yang

Ndai hku ngun jaw

Photos by KNET