Myitkyina Ginwang Hpung Lawk Gawdin Ginsup hpaw poi

KNET September 5, 2005

Myitkyina Ginwang Hpung Lawk Gawdin Ginsup poi hpe 2005 ning September 5, 2005 ya hkyin 3:30 pm aten hta Myitkyina Ginwang Hpung Lawk 57 nga ai hta na Ginwang 14 shanglawm let hpaw poi hpe galaw la lu sai hpe chye lu ai.

Ndai Gawdin ginsup hpaw poi hta Myitkyina Ginwang Ramma hpaawn Sara Tang Gun n’gun jaw mungga tsun ai gaw Buga Hpung na Ramma shada da gahkyin gumdin lu na matu hte ginsup hta ningtawn ai ramma ni paw pru wa hkra yaw shada ai lam nga ai ngu tsun ai. Matut nna Shadang Naw Ja kaw nna gawdin ginsup hpaw poi ga shaka hpe hti dan ai.

Bai nna Rev. Bawk Naw hku nna Karai a Chyum Mungga hte n’gun jaw ya ai, matut nna Music Komiti ni hku nna woi awn let Ginsup Hpawng hpaw mahkawn hpe shawa yawng hpe woi mahkawn nna Rev. Bawk Naw kawn shaman ya let Myitkyina Ginwang Hpung Lawk Gawdin Ginsup Poi hpe paw ya dat sai.

Ndai hpaw poi hta Shatapru Buga Hpung hte Bettela Buga Hpung ni shingjawng hkat ma ai, ginsup ngut ai hpang Shatapru Buga Hpung ni 1-0 hte dang la lu ai hpe chye lu ai.

Shatapru Buga Hpung ni gaw lai wa sai July shata kaw nna September praw 2 ya du hkra Myitkyina Gawdin Ginsup Poi hta Ginwang 20 jan shang lawm ai kaw nna No.1 lu la ma ai, No.2 gaw Du Kahtawng rai nna No.3 gaw Myuma ni lu ai lam hpe chye lu ai.