(45) ning hpring K.I.O shangai n’htoi hpe hkap tau shagrau ai Ninggawn Daju Komiti Tingyang Up a gawdin ninggang ginsup shingjawng poi.
KNET October 10, 2005
Laiza; 2005 ning October praw 10 ya shani kaw nna October 24 ya shani du hkra Laiza Muklum mare, Zup Awng Simsa Gawdin Ginsup Pa hta (45) ning hpring K.I.O shangai n’htoi hpe hkap tau shagrau ai Ninggawn Daju Komiti Tingyang Up a gawdin ninggang ginsup shingjawng poi hpe galaw na hpe chye lu ai.
Ndai Ninggawn Daju Komiti Tingyang Up a gawdin ninggang ginsup shingjawng poi hpe September 10 ya shani hkying 2:00pm aten hta gawdin ginsup hpawng paw poi hpe galaw la lu sai. Ndai gawdin ginsup hpawng hpaw poi hta gawdin hpung (10) tup shanglawm nna Zup Awng gawdin ginsup pa de lahkrip shang wa ai hte du sa ai Kanu Kawa Myitsu Du Salang ni, Mung Shawa Dap Shawa ni yawng Wunpawng Mungdan Dawnghkawn hpe hkungga jaw ngut ai hpang ginsup ninghkring ni du sa ai yawng a man e ginsup ga sadi hkam la ma ai.
Matut nna Ninggawn Daju Komiti Tingyang Up Du Up Jum Hpunggan Zau Nan kaw nna ginsup poi hpawng hpaw mungga shaga ya sai. Dai hpang gawdin ginsup ninghkring ni Ninggawn Daju Komiti Tingyang Up hpe hkawm kawai hkungga jaw ai. Ndai gawdin Ginsup poi hta Wunpawng Mungdan Shanglawt Komiti Salang n kau ni mung sa du n gun jaw ya nna Kanu Kawa Myit su Du Salang ni, Mung Shawa Dap Shawa ni marai 1,000 mi ram mung sa du n gun jaw ai hpe chye lu ai.
Gawdin ginsup shingjawng poi hpawng hpaw ngut ai hte rau hpawng hpaw poi hta ginsup shingjawng ai Hpyen Du Jawng gawdin hpung hte Ninggawn Daju gawdin hpung ni shingjawng hkat ma ai, shawng na manit 45 ngut ai hpang Hpyen Du Jawng ni 1-0 hte dang taw nga ai, hpang daw bai ginsup ai hta manit 20 ram rai yang, Hpyen Du Jawng ni goal 1 bai lu jat la ai. Tim Ninggawn Daju gawdin hpung ni myit n htum ai sha shakut taw nga ai majaw ngut wa mahka de goal 2 lu htawng bang la nhtawm Hpyen Du Jawng goal 2 Ninggawn Daju goal 2 hte ngut mat ai. Matut nna pawt ni gaw japawt 7:30am hta Ginjaw Ginra gawdin hpung hte Wun Awng Company gawdin hpung ni shingjawng hkat nna shana hkying 3:30pm hta gaw Hpaji Dap gawdin hpung hte Laiza Muk Lum gawdin hpung ni shing jawng hkat na re hpe chye lu ai.
Ninggaw Daju Komiti Tingyang Up a gawdin ninggang ginsup shingjawng poi hta shang lawm ai gawdin hpung ni.
A Group
1. Hpyen Du
Jawng gawdin hpung
2. Dap Nawng Daju (DND) gawdin hpung
3. DGA gawdin hpung
4. Ninggawn Daju gaw din hpung
B Group
1. Ginjaw
Ginra gawdin hpung
2. Wun Awng Company gawdin hpung
3. Shimlam Dap Ba gawdin hpung
C. Group
1. Hpaji Dap
gawdin hpung
2. Hkamja Dap gawdin hpung
3. Laiza Muk Lum gawdin hpung
SUMLA NI
Gawdin Ginsup hpawng hpaw hpang wa yang.
Gawdin Ninghkring ni ginsup ga sadi hkam la nga yang.
Gawdin ninghkring ni Ninggawn Daju Komiti Tingyang Up hpe hkawm kawai hkungga jaw.
Ninggawn Dajau Komiti Tingyang Up gawdin ninghkring ni hpe hkap tau.
FIFA dawnghkawn hpe gunhpai nga yang.
Gawdin ninghkring ni hpe ginsup pa hta woi shang.
Tsi Sarama ni gawdin ninghkring ni hpe nampan hte shagrau.
Hpyen Du Shalat Jawng ni kabu nga yang.
N gun jaw ai ni she grau.
Photos by KNET